Azərbaycan, Bakı, 15 avqust/ Trend , müxbir İ.Xəlilova/ 2008 -ci ilin yeddi ayı ərzində Azərbaycanın ÜDM-i ötən ilin analoji dövrünün göstəricisi ilə müqayisədə 16,7 faiz artıb. Bu barədə cümə günü Dövlət Statistika Komitəsindən məlumat veriblər. Cari qiymətlərdə ÜDM-in göstəricisi 23 017,1 mln. manat təşkil edib. Əhalinin adambaşına düşən ÜDM-in həcmi 15,4 faiz artaraq, 2696,2 manat ($3248,1) təşkil edib.
İqtisadiyyatın bütün sahələrində məhsul istehsalının ümumi həcmi 18,8 faiz artaraq, əsas hissəsini - 64,2 faizini (14779 mln. manat) sənayenin təşkil etdiyi ÜDM-in 75,9 faizini təşkil edib. Xidmətlər sahəsinin ÜDM-də xüsusi çəkisi 17,2 faiz olub. Xidmətlər sahəsində əlavə dəyər ötən ilin analoji dövrü ilə müqayisədə 10,6 faiz artıb. Məhsul və idxaldan xalis vergilər ÜDM-in 6,9 faizini təşkil edib.
Yanvar-iyul ərzində kənd təsərüfatı, ovçuluq sektoru və meşəçilikdə 1150,8 mln. manatlıq əlavə dəyər istehsal edilib ki, bu da ümumi ÜDM-in 5 faizini təşkil edir. Tikinti sektorunda - 1533 mln. manat (6,7 faiz), nəqliyyat sektorunda - 952,8 mln. manat (4,1 faiz), rabitə və poçt xidmətləri sektorunda - 331,9 mln. manat (1,5 faiz) topdan və pərakəndə satışda, avtomobil sahəsində, məişət məmulatları və şəxsi istifadə predmetlərinin təmiri üzrə xidmətlər sahəsində - 1204,8 mln. manat (5,2 faiz), restoran və mehmanxana sektorunda - 200,5 mln. manat (0,9 faiz), sosial və digər xidmətlərin göstərilməsində - 1273 mln. manat (5,5 faiz) əlavə dəyər formalaşıb.
Avqustun 15-nə olan cari məzənnə - 0,8142 AZN/USD
Müəlliflə əlaqə saxlamaq üçün elektron ünvan: [email protected]