Azərbaycan, Bakı, 29 avqust/ Trend müxbir İ.Xəlilova/ National Bank of Pakistan-ın (NBP Bank) Bakı filialı Millikart prosessinq mərkəzi vasitəsilə Azərbaycanın kart bazarına qoşulmağı planlaşdırır, - bankın Baş meneceri Sohail Əhməd (Sohail Ahmad) bildirib.
Bank ilkin mərhələdə yerli kartlar buraxmağı planlaşdırır.
"Beynəlxalq ödəmə sistemlərinə qoşulmağın mənası yoxdur;biz artıq bu sistemlərdə iştirak edən baş ofisin - NBP Bank-ın kartlarından istifadə edə bilərik", - Əhməd bildirib.
Azərbaycanda iki prosessinq mərkəzi fəaliyyət göstərir - yeganə təsisçisinin Azərbaycan Beynəlxalq Bankı olduğu "Azericard" və 18 bankın mülkiyyətində olan Millikart. Birinci yarımilin yekunları üzrə ölkədə buraxılan kartların ümumi sayı 3,124 mln. ədədə çatıb. Bu kartlar üzrə dövriyyə 828 mln. manat olub.
NBP Bank-ın Bakı filialı 2005 - ci ilin iyulundan Azərbaycanda fəaliyyət göstərir. Bu gün filialın aktivləri 12 mln. manat, kredit portfeli 0,2 mln. manat, depozit portfeli 1,4 mln. manatdır. Bankın məcmu kapitalı 10,420 mln. manat, Nizamnamə kapitalı isə, 10 mln. manat səviyyəsində formalaşdırılıb.
National Bank of Pakistan 1949 - cu ildə təsis edilib. O, Pakistan hökumətinin 75 faiz iştirakı ilə yaradılıb. Bu gün NBP Bank-ın 17 xarici filialı var.
Avqustun 29 - na olan cari məzənnə -- 0,8134 AZN/USD.
Müəlliflə əlaqə saxlamaq üçün elektron ünvan: cap