Azərbaycan, Bakı, 29 avqust/ Trend , müxbir İ.Xəlilova/ Əlavə dəyər vergisindən (ƏDV) daxilolmaların yığılması üçün vahid xəzinədarlıq hesabının tətbiqi qeyri-neft sektoru üzrə ödənişlərin 150 faiz artmasına gətirib, - vergilər nazirinin müavini Natiq Əmirov cümə günü bildirib. Onun sözlərinə görə, əvvəllər artım templəri 30-40 faiz səviyyəsində olub.
Bu sistemin tətbiqinin səmərəliliyi ƏDV dərəcəsini azaltmağa imkan verir. Vergilər Nazirliyi 2009 - cu ildən dərəcəni azaltmağı təklif etsə də, hökumət həm depozit ƏDV-hesablarının tətbiqi, həm də vergi ödəyicilərinin sayına görə 2008 - ci ilin yekunları üzrə vəziyyəti qiymətləndirmək niyyətindədir və bununla əlaqədar gələn ildən ƏDV dərəcəsini azaltmaqdan imtina edib. İlin əvvəlinə ƏDV ödəyicilərinin sayı 10 minə çatsa da, nazir müavinin qeyd etdiyi kimi, bu gün real işləyənlərin sayı 11 500-dək artıb.
ƏDV dərəcəsini bir faiz - 17 faizədək azaltmaq təklif edilir ki, ilkin olaraq bunu gələn ildən həyata keçirmək planlaşdırılır.
Vergilər Nazirliyi tərəfindən keçirilən araşdırmalara əsasən, Azərbaycan iqtisadiyyatında bugünkü vergi iqlimində optimal ƏDV dərəcəsi 14-15 faiz təşkil edir.
Avqustun 29-na olan cari məzənnə -- 0,8134 AZN/USD.
Müəlliflə əlaqə saxlamaq üçün elektron ünvan: [email protected]