Azərbaycan, Bakı, 03 sentyabr/ Trend , müxbir İ.Xəlilova/Avqustda Dövlət Qiymətli Kağızlar bazarında (repo əməliyyatlar bazarı istina olmaqla) brokerlərin renkinqinə, göstərilmiş xidmətlərin həcminə görə, Standard Capital başçılıq edir. Şirkət 7 müştəriyə ümumi dəyəri 25,896 mln. manat broker xidmətləri göstərib. Bu barədə Bakı Fond Birjasının çərşənbə günü yayılan məlumatında deyilir.
İkinci yeri 3 müştəriyə ümumi həcmi 23,621 mln. manat olan broker xidmətləri göstərmiş və birincidən 2,275 mln. manat geri qalan BoB Broker tutub. Göstərilmiş broker xidmətlərinin həcminə görə üçüncü yerdə 22,485 mln. manat məbləğlə Respublika Invest qərarlaşıb.
Avqustda brokerlərin renkinqində (sıralanmasında) birinciliyə iddia edən məbləğin səviyyəsi əvvəlki ayla müqayisədə azalıb. Belə ki, iyul ayında göstərilmiş broker xidmətlərinin birinci yerdə duran məbləği 75,373 mln. manat təşkil edib. Avqustda dövlət qiymətli kağızları sektorunda xidmət göstərmiş brokerlərin sayı 11-dən 9-dək azalıb.
2008 - ci ilin avqust ayı üzrə DQK bazarında göstərilmiş xidmətlərin həcminə görə brokerlərin renkinqi
| Xidmətlərin həcminə görə yeri | Xidmətlərin həcminə görə yer | Brokerlər | Müştərilərin sayı | Müştərilərin sayı | Əməliyyatlarının həcmi(AZN) |
| 1 | 1 (-) | "Standard Kapital" | 8 | 7 | 25,895,870.76 |
| 7 | 2 (^) | "BoB Broker" | 2 | 3 | 23,621,293.08 |
| 2 | 3 (Ў) | "Respublika Invest" | 5 | 5 | 22,484,681.04 |
| 3 | 4 (^) | "UniCapital" | 10 | 8 | 20,526,521.42 |
| 5 | 5 (-) | "Azərintertreyd"MMC | 4 | 3 | 19,785,733.88 |
| 6 | 6 (-) | "Texnika Capital Menagment" | 5 | 4 | 19,756,802.30 |
| 4 | 7 (Ў) | "YapıKredi Invest" | 1 | 1 | 12,872,926.40 |
| 9 | 8 (^) | "Brokdil-Az" | 1 | 1 | 7,336,472.76 |
| 10 | 9 (^) | "Kapital Partners" | 1 | 1 | 7,278,561.88 |
-İyul 2008 - Avqust2008
Sentyabrın 3-nə olan cari mübadilə məzənnəsi -- 0,8145 AZN/USD.
Müəlliflə əlaqə saxlamaq üçün elektron ünvan: [email protected]