Azərbaycan, Bakı, 05 sentyabr/ Trend , müxbir İ.Xəlilova/ Cümə günü Azərbaycan hökuməti və Dünya Bankı (DB) arasında kiçik şəhərlərdə su təchizatı və kanalizasiya sistemlərinin təkmilləşdirilməsinə dair ikinci layihə üzrə kredit sazişi imzalanıb. "Azərsu" SC-dən cümə günü bildiriblər ki, layihənin ümumi dəyəri $420 milyondur və bunun $260 milyonu DB-nin kreditinin payına düşür.
Azərbaycanın bu layihədə iştirak payının 36,6 faizədək artırılması ($150 mln.) 2008 - ci ildən etibarən, kredit və qrant sazişləri çərçivəsində idxal olunan mallar, iş və xidmətlərdən ƏDV-nin alınması ilə bağlıdır. 2007- ci ildə imzalanmış birinci su layihəsində Azərbaycanın payı 25,8 faiz olub.
Su layihəsi üzrə kredit sazişini "Azərsu" SC-nin rəhbəri Nizaməddin Rzayev, zəmanət sazişini maliyyə naziri Samir Şərifov, bank tərəfdən isə, DB-nin Bakı nümayəndəliyinin rəhbəri Qreqori Yeceyçak imzalayıb.
Bankın krediti iki hissədən ibarətdir: Beynəlxalq Yenidənqurma və İnkişaf Bankının şərtləri əsasında $230 mln., Beynəlxalq İnkişaf Assosiasiyasının - $30 mln. ayrılıb. Kreditin kommersiya hissəsi,dörd il güzəştli dövr olmaqla,17 ilə və libor+0,25 faiz dərəcə, güzəştli hissəsi isə,10 il güzəştli dövr olmaqla,35 ilə və illik 0,75 faiz dərəcə ilə ayrılıb.
"Azərsu"dan qeyd ediblər ki, layihə ilin sonunda qüvvəyə minəcək və bundan sonra dörd gün ərzində onun realizəsi başlayacaq. Layihə 21 rayonu əhatə edəcək. Onlardan beşi NMR-də, qalanları isə Kürdəmir, Ucar, Zərdab və s. istiqamətindədir.
Layihə üç komponentdən ibarətdir: regionlarda su təchizatı və kanalizasiya sisteminin yenidən qurulmasına yönəlmiş sərmayələr; "Azərsu" SC və onun struktur bölməsi olan hizatı və Kanalizasiya Agentliyinin potensialının artırılmasını nəzərdə tutan institusional inkişaf, layihənin reaalizəsi və idarə edilməsi.
DB 22 rayonun daxil olduğu birinci layihəyə artıq $230 mln. ayırıb. Birinci layihənin ümumi dəyəri isə,$310 mln.-dir. [DB Direktorlar Şurası 2007-ci il iyunun 14 də krediti təsdiqləyib]
Sentyabrın 5-n olan cari mübadilə məzənnəsi -- 0,8154 AZN/USD.
Müəlliflə əlaqə saxlamaq üçün elektron ünvan: cap
