...

Azərbaycan Maliyyə Nazirliyi sığorta şirkətinə lisenziya verməkdən imtina edib

Biznes və iqtisadiyyat xəbərləri Materials 10 Sentyabr 2008 18:44

Trend-i buradan izləyin

Azərbaycan, Bakı, 10 sentyabr / Trend , müxbir Ü.İsmayılova/ Azərbaycan Maliyyə Nazirliyi "Abşeron" sığorta şirkətinə sığorta fəaliyyətinin aparılması üçün müddətsiz lisenziya verməkdən imtina edib, çərşənbə günü Maliyyə Nazirliyindən bildiriblər.

Azərbaycanın Maliyyə Nazirliyi iyulda çox sayda qanun pozuntuları və aşkar edilən nöqsanlarla əlaqədar sığorta şirkətinin lisenziyasını 2008-ci il sentyabrın 2-dək müvəqqəti dayandırıb.

Maliyyə Nazirliyi may ayında nəqliyyat vasitəsi sahiblərinin mülki məsuliyyətinin icbari sığortası növü xidmətinin göstərilməsinə verilmiş icazənin ləğvi ilə "Abşeron" səhmdar sığorta şirkətinin lisenziyasını məhdudlaşdırmaq haqqında qərar qəbul edib. Bunun səbəbi "Nəqliyyat vasitəsi sahiblərinin mülki məsuliyyətinin icbari sığortası haqqında" Qanunun ciddi şəkildə pozulması olub. Qanun pozuntuları "Abşeron"un fəaliyyətinin yoxlanılması zamanı aşkar edilib.

Maliyyə Nazirliyi Baş Sığorta Nəzarəti İdarəsinin rəhbəri Namiq Xəlilovun əvvəllər bildirdiyinə görə, "Abşeron" şirkətinin digər çatışmazlıqlarla yanaşı Mərkəzi Sığorta Fondu və Ehtiyat Tədbirləri Fonunda, "Nəqliyyat vasitəsi sahiblərinin mülki məsuliyyətinin icbari sığortası haqqında" Qanunla nəzərdə tutulmuş məcburi ödəmələr üzrə nəzərəçarpacaq borcları var.

""Sığorta fəaliyyəti haqqında" Qanuna əsasən, belə borcun olması məcburi sığorta növü üzrə fəaliyyətin həyata keçirilməsi üçün əvvəllər verilmiş icazənin ləğvi yolu ilə sığorta fəaliyyətinə dair lisenziyanın məhdudlaşdırılmasının əsasıdır, - Xəlilov dəqiqləşdirib. Şirkətin bu sahədə fəaliyyətinin bərpası üçün bu icazənin verilməsi imkanlarına yenidən baxmaq lazım olacaq".

İkinci rübün yekunlarına görə, şirkət 0,33 mln. manat sığorta haqqı toplayıb. Ödəmələr 0,05 mln. təşkil edib.

Bu gün ölkədə 28 sığorta şirkəti fəaliyyət göstərir. 2008-ci ildə Maliyyə Nazirliyi "Azer Asiya" sığorta şirkətinin, 2007-ci illərdə isə "Star Alliance" və "Qorqud Sigorta" şirkətlərinin lisenziyasının fəaliyyətini dayandırıb.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti