...

Dünya maliyyə böhranı Azərbaycanın Dövlət Neft Fondu gəlirlərinin azalmasına təsir etməyəcək (video)

Biznes və iqtisadiyyat xəbərləri Materials 18 Sentyabr 2008 20:56

Trend-i buradan izləyin

Azərbaycan, Bakı, 18 sentyabr/ Trend , müxbir E.İsmayılov/ "Dünya maliyyə bazarlarındakı böhran Azərbaycanın Dövlət Neft Fondu (ARDNF) gəlirlərinin azalmasına təsir etməyəcək, əksinə, gəlirlərin proqnoz göstəricisini ötəcəyi gözlənilir", - Fondun icraçı direktoru Şahmar Mövsümov cümə axşamı bildirib.

"Maliyyə bazarlarında yaranan bu vəziyyətlə əlaqədar, əksər iri qurumlar, 100 -150 illik tarixi olan maliyyə təşkilatları gərginlikdədirlər, - Mövsümov bildirib. - Onlardan bəziləri müflis olmaq həddində dayansalar da, Azərbaycanın Neft Fondu, həmişə olduğu kimi, öz aktivlərinin idarə olunmasına çox mühafizəkar yanaşır və biz vəsaitlərimizi yüksək reytinqli qiymətli kağızlarda yerləşdiririk. Böhranlı dövrlərdə belə qiymətli kağızlara tələbat artır və onların qiymətləri artmağa başlayır. Pis səslənsə də, ARDNF bundan fayda əldə edir".

Onun rəyinə görə, neftin qiymətlərinin düşməsi Fondun büdcəsi tərtib edilərkən mühafizəkar yanaşamanın seçilməsinin doğruluğunu göstərib. Ötən il büdcə proqnozları hesablanarkən, neftin qiyməti 50 doll/barel təşkil edirdisə, bu il 70 doll/barel səviyyəsində müəyyən edilib.

"Dünya bazalarında neftin qiymətinin $100 - dan aşağı səviyyəyə enməsi bu yanaşmanın düzgünlüyünü göstərib, - Neft Fondunun rəhbəri bildirib. - Hazırda ARDNF-in gəlirləri 10 mlrd. manatı ötür. İlin sonuna gəlirlərin 13 mlrd. manata çatacağı gözlənilir".

Lakin dünya maliyyə bazarlarında qiymətli kağızların qiymətinin azalması ARDNF aktivlərinin idarəsindən əldə etdiyi gəlirlərə təsir edəcək.

"Bizim hesablamalarımıza və Norveç Neft Fondundan aldığımız məlumata əsasən, ilin əvvəlindən indiyədək itkilər 3 - 4 faizə bərabərdir", - Mövsümov bildirib.

Bu gün ABŞ - da səhm bazarı ilin əvvəlindən 16 -17 faiz, Avropada 20 faizdən çox düşüb. İlin əvvəlindən Rusiyanın qiymətli kağızlar bazarında düşmə 54 faiz olub. Mövsümovun sözlərinə görə, bu, ciddi böhranın göstəricisidir və əksər fond və qurumlar böhrandan itkisiz çıxmağa ümid edirlər.

"Azərbaycanın Neft Fondu, əvvəlki illərlə müqayisədə az olsa belə, 2008 - ci ili gəlirlə başa çatdıracaq", - ARDNF rəhbəri bildirib.

Müəlliflə əlaqə saxlamaq üçün elektron ünvan - [email protected]

Xəbər lenti

Xəbər lenti