Azərbaycan, Bakı, 23 sentyabr/ Trend , müxbir S.Babayeva/ "2008 - ci ildə Azərbaycanın Beynəlxalq Səhiyyə Sərgisi - BİHE dünyanın 19 ölkəsindən 100 şirkətin iştirakı ilə keçiriləcək", - İteca Caspian-ın sərgi üzrə meneceri Nigar Qədirova çərşənbə axşamı bildirib.
Sərgi sentyabrın 24 - 27- də H.Əliyev adında İdman-Sərgi Kompleksində keçiriləcək.
"İştirakçıların ümumi sayının 40 faizi Azərbaycanın şirkətləridir", - o bildirib.
Sərgidə farmokologiya, tibbi avadanlıq, tibbi elektronika, gigiyena vasitələri, informasiya texnologiyaları və s. təqdim olunacaq.
BİHE ilə paralel iki sərgi layihəsinin - Azərbaycanın III Beynəlxalq "Stamatologiya" sərgisi və Azərbaycanın II Beynəlxalq "Gözəllik və estetik təbabət" Sərgisinin ekspozisiyası keçiriləcək.
Sərgilər Azərbaycanın Səhiyyə Nazirliyi, Ticarət - Sənaye Palatası, Azərbaycanın İxrac və İnvestisiyaların Təşviqi Fondu, Azərbaycanın Stomatologiya Assosiasiyasının dəstəyi ilə keçirilir.
Sentyabrın 23 -n ə olan cari mübadilə məzənnəsi -- 0,8076 AZN/USD.
Müəlliflə əlaqə saxlamaq üçün elektron ünvan: [email protected]
