Azərbaycan, Bakı, 25 sentyabr/ Trend , müxbir İ.Xəlilova/ Oktyabrda Avropa Komissiyası sərmayə mühitinin yaxşılaşdırılması və ölkədə ixracın inkişafına dəstək məqsədi ilə, Azərbaycana texniki yardım layihəsi çərçivəsində, məsləhət xidmətinin göstərilməsi üzrə iddiaçıların təkliflərinin qiymətləndirilməsi prosesini həyata kçirəcək. Bu barədə cümə axşamı Avropa İttifaqının (Aİ) Azərbaycana texniki yardım Proqramının (Tacis) əlaqələndirici bürosunun icraçı direktoru Rüfət Məmmədov bildirib.
Onun sözlərinə görə, seçim səkkiz Konsorsiumun daxil oduğu "şort-list" əsasında aparılacaq:
1. AICSI-Italian Agency for the Cooperation and Development of the International Exchanges (IT) -CEEN - Economic project & Policy Consulting GmbH (AT), SICI DOMINUS (ES), IKADA (TK)
2. Wienier Borse AG - Vienna Exchange (WBAG) (AT) - ICON-INSTITUT GmbH Private Sector (ICON) (DE), Sparkassenstiftung fur Internationale Kooperation e. V. (SBFIC) (Saving Banks Foundation for International Cooperation) (DE), Azerbaijan Bank Training Center (ABTC) (AZ)
3. SOFRECO (FR) - IVEX (ES), Belgian Bankers Academy (BE)
4. INTEGRATION International Management Consultants GmbH (DE) -International Development Ireland Limited (IE)
5. ACE, Asesores de Comercio Exteriior S. L. (ES) -Emerging Markets Group (EMG) (BE), GOPA Consultants (DE), Azerbaijan Micro-Finance Association (AMFA) (AZ)
6. POHL Consulting & Associates (PC & A) (DE) -Maxwell stamp PLC (UK), European Profiles SA (GR), HEPO S.A.-Hellenic Foreign Trade Board (GR)
7. Altair Asesores S.L. (ES) -DMI Associates (FR), Gruppo Soges S.p.a. (IT), INCOM Ltd (GR)
8. De Leeuw International Limited (TK) -WYG International Limited (UK).
Layihənin dəyəri 3 mln. avro qiymətləndirilir və iki - üç il üçün nəzərdə tutulub. Layihə çərçivəsində ölkədə sərmayə mühitinin yaxşılaşdırılmasına yardım Tacis - in Azərbaycanın İxrac və İnvestisiyaların Təşviqi Fondu (AZPROMO) ilə aparıdığı işlərin davamı olacaq.
Layihə çərçivəsində, Azərbaycanda portfel sərmayələrin tətbiqi və inkişafı üzrə dövlət strategiyasının hazırlanması nəzərdə tutulur ki, bu da qiymətli kağızlar bazarı iştirakçıları ilə iş və qanunvericiliyin təkmilləşdirilməsini tələb edir. Bununla yanaşı, qiymətli kağızlar bazarının korporativ iştirakçıları, həmiçinin, fiziki şəxslərlə işdə əməli rola malik Bakı Fond Birjası da layihəyə cəlb olunacaq.
Bu layihə 2006 - cı il iyunun 15 - də Avropa Komissiyası tərəfindən təsdiq olunan 2006 - cı ilin fəaliyyət planına daxildir. Lakin Azərbaycan hökuməti ilə bu layihə üzrə maliyyə memorandumu ötən il imzalanıb.
Məqalə müəllifi ilə əlaqə ünvanı - [email protected]
