...

Aİ 2006- cı ilin büdcəsi hesabına Azərbaycanda Twining Proqramı üzrə üç layihənin realizəsinə başlayır

Biznes və iqtisadiyyat xəbərləri Materials 2 Oktyabr 2008 18:41

Trend-i buradan izləyin

Azərbaycan, Bakı, 02 oktyabr/ Trend , müxbir İ.Xəlilova/ "Avropa Komissiyası Azərbaycanda tvininq-proqram çərçivəsində üç layihənin realizəsinə başlayır", - Avropa İttifaqının Texniki Yardım Proqramları Koordinasiya Bürosunun (TACIS) icraçı direktoru Rüfət Məmmədov bildirib.

Enerji sektorunda qanunvericliyin aproksimasiyası və struktur dəyişiklikləri, həmçinjin texniki tənzimləmə, standartlaşdırma və qiymətləndirmə sahəsində yardımın göstərilməsi üçün tvininq-ölkə qismində Almaniya, qida məhsullarının təhlükəsizliyi və keyfiyyətinin təmin edilməsində texniki və qanunvericilik aspektlərinin, balıq məhsullarının sertifikatlaşdırılmasına tələblərin təkmilləşdirilməsinə dəstək üçün Niderland və Latviya seçilib.

Birinci layihənin büdcəsi, realizə müddəti 18 ay olmaqla, 1,1 mln. avro, ikinci layihənin büdcəsi , müddət 24 ay olmaqla, 1 mln. avro təşkil edir. Realizə müddəti 24 ay olan üçüncü layihə isə 1,4 mln. avro qiymətləndirilir.

Məmmədovun sözlərinə görə, hazırda daha iki layihə - Baş Prokurorluq yanında Korrupsiya ilə mübarizə şöbəsinə, daha doğrusu, bu sahədə kadrların hazırlanması prosesinə və Dövlət Statistika Komitəsinə yardım layihələri üçün məsləhətçilər müəyyənləşdirilir.

Bu tədbirlər 2006-cı maliyyə ilində Azərbaycan üzrə TACIS milli fəaliyyət planı çərçivəsində maliyyələşdirilir. Avropa Komissiyası planı 2006-cı il iyunun 15-də təsdiqləsə də, Azərbaycan hökuməti ilə maliyyə memorandumu 2008 - ci ilin sentyabrında imzalanıb.

Avropa Komissiyası Azərbaycana müxtəlif istiqamətlərdə texniki yardım almaq üçün Aİ- Twining Proqramından fəal istifadə etməyi tövsiyə edib.

Tvininq-proqram üzrə hər il Azərbaycan üçün büdcə ayrılır. 2006 - cı ilin büdcəsi hesabına tvininq-proqrama ümumilikdə 6,5 mln. avro ayrılıb. 2007-ci ilin büdcəsində də eyni məbləğ nəzərdə tutulub. 2008 - ci ildə maliyyələşdirmə həcminin artacağı gözlənilir.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti