Azərbaycan, Bakı, 08 oktyabr/ Trend , müxbir E.İsmayılov/ "Şərq - Qərb istiqamətində Azərbaycan dəmir yolları üzrə hərəkətin sürətləndirilməsi layihəsində iştirak edən Koreya Dəmir Yolu İdarəsi, layihəni $300 mln. dəyərində qiymətləndirib ", - deyə Azərbaycan Dövlət Dəmir Yol İdarəsinin (DDYİ) baş mühəndisi Qurban Nəzirov bildirib.
"Koreyalı mütəxəssilər oktyabrın 9 - da Bakıya gələcək və öz təkliflərini təqdim edəcəklər. Layihənin dəyərinin də müzakirə olunacağı güman olunur ", - deyə Nəzirov bildirib.
Tərəflər bu layihə çərçivəsində, 503 km uzunluğunda olan Bakı - BöyükKəsik (Gürcüstan sərhəddi) yolunun bütün hissələrində aparılması nəzərdə tutulan konkret işləri nəzərdən keçirmək niyyətindədir.
Hazırda bu istiqamətdə qatarların hərəkət sürəti, orta hesabla, saatda 80 km - dir. Koreyalı mütəxəssilər layihəni iki mərhələdə reallaşdırmağı təklif edirlər: birinci - qatarların hərəkət sürətinin saatda 100 km - dək artırılması, ikincisi isə, hərəkət sürətinin saatda 140 km -dək artarılması. Bu işlərin üç il ərzində reallaşdırılması nəzərdə tutulur.
Məqalə müəllifi ilə əlaqə ünvanı s
