Azərbaycan, Bakı, 16 oktyabr/ Trend , müxbir N.İsmayılova/ 2008 - ci ilin doqquz ayı ərzində bütün maliyyə mənbələrində ölkə iqtisadiyyatının inkişafına 6283 mln. manat yatırılıb ki, bu da ötən ilin analoji dövrü ərzində əsas kapitala sərmayə yatırımlarını 38 faiz ötür. Dövlət Statistika Komitəsindən cümə axşamı bildiriblər ki, özəl mülkiyyətdə olan müəssisələr və təşkilatlar əsas kapitala 2339,5 mln. manat (bütün sərmayələrin 37,2 faizi), dövlət mülkiyyətində olanlar isə - 3943,5 mln. manat (62,8 faiz) yatırıblar.
Təmir - tikinti işlərinə yatırılan sərmayələrin həcmi 55 faiz artaraq, 4089,3 mln. manat təşkil edib. İstehsal yönümlü obyektlərin tikintisi üçün 4715,6 mln. manat (75 faiz) sərmayə istifadə edilib, qeyri - istehsal obyektlərinə isə, 1567,4 mln. manat (25 faiz) yatırılıb.
Xüsusi çəkisi 27,5 faiz olan xarici sərmayələr1 727,6 mln. manat təşkil edib. Müvafiq olaraq, sərmayələrin ümumi həcmindən 72,5 faiz (4555,4 mln. manat) daxili sərmayələrin payına düşüb. Onların həcmi ötən ilin yanvar-sentyabrı ilə müqayisədə 75,6 faiz artıb, xarici sərmayələrin isə, 11,8 azalıb. Daxili sərmayələrinn böyük hissəsi (83,5 faiz) dövlət müəssisə və təşkilatlarına və yalnız 16,5 faiz özəl müəssisələrə yatrılıb.
Əsas kapitala yatırılan vəsaitlərin 33,2 faizi (2085,8 mln. manat) ölkənin neft sektorunun inkişafına, 66,8 faiz isə (4197,2 mln. manat) qeyri - neft sektorunun inkişafına yönəldilib. Qeyri - neft sektoruna sərmayələr ötən ilin analoji dövrü ilə müqayisədə 96,1 faiz artıb.
Sərmayələrin 45,2 faizi sənaye sahələri, 3,6 faizi - kənd təsərrüfatı, 0,4 faiz - ticarət və xidmətlər, 23,8 faiz - nəqliyyat, 1,7 faiz - rabitə, 7,5 faiz - mənzil tikintisi, 2,7 faiz - səhiyyə, 4,1 faiz təhsil, 11 faiz digər sahələrin payına düşür.
Müəssisə və təşkilatların hesabına əsas kapitala 2794,7 mln. manat (sərmayələrin ümumi həcminin 44,5 faizi), bank kreditləri hesabına - 248 mln. manat (3,9 faiz), büdcə vəsaitləri - 2621,2 mln. manat (41,7 faiz), büdcədənkənar fondlar - 417 mln. manat (6,6 faiz), əhalinin şəxsi vəsaitləri - 198 mln. manat (3,2 faiz), digər vəsaitlər hesabına isə 4,1 mln. manat (0,1 faiz) yatırılıb.
Oktyabrın 16 - na olan cari mübadilə məzənnəsi --- 0,809 AZN/USD.
Müəlliflə əlaqə saxlamaq üçün elektron ünvan: [email protected]