Azərbaycan, Bakı, 20 oktyabr/ Trend , müxbir İ.Xəlilova/ Azərbaycanın Fiziki Şəxslərin Əmanətlərinin Sığortalanması Fondu (ADİF) Depozitlərin Sığortalanması üzrə Avropa Forumunun (EFDİ) üzvü olub, - bazar ertəsi Fonddan bildiriblər.
EFDİ 2002 - ci ilin oktyabrında yaradılıb və hazırda Avropanın 39 ölkəsindən əmanətlərin sığortalanması üzrə 54 təşkilatı öz sıralarında birləşdirir.
ADİF-nin məsləhətçisi - Almaniyanın Global Banking Development Solution təşkilatı Avropa forumunun üzvlüyünə qəbul edilmək üçün sənədlərin hazırlanmasında Fonda yardım edib.
"Bu Avropa təşkilatına üzvlük digər sığorta fondları və agentliklərinin nailiyyət və problemləri ilə tanış olmaq üçün faydalıdır", - Fondun icraçı direktoru Azad Cavadov bildirib. - Həmçinin, yaxşı təcrübənin tətbiqinə yardım edir".
EFDI- yə illik üzvlük haqqı 850 avrodur.
Azərbaycanın Əmanətlərinin Sığortalanması Fondu 2007- ci il avqustun 13- də fəaliyyətə başlayıb. Hazırda Azərbaycanda fəaliyyət göstərən 46 bankdan 37-si onun üzvüdür. Əmanətin məbləği 6 min manatı ötməzsə, ADİF üzv-banklardakı əmanətlərin 100 faiz qaytarılmasına zəmanət verir. Bunun üçün banklar heç bir ödəniş həyata keçirməyərək, yalnız sığorta ödənişləri edirlər.
Fondun institusional inkişafı üzrə tədbirlər planı Global Banking Development Solution-in yardımı ilə hazırlansa da, ADİF-nin gələcək fəaliyyətində digər ölkələrdə tətbiq edilən proses və prosedurlar haqqında informasiya almaq çox vacibdir.
Avropa Forumu çərçivəsində seminarlar, üzv ölkələrin nümayəndələrinin iştirakı ilə müşavirələr təşkil edilir.
Oktyabrın 20-nə olan cari mübadilə məzənnəsi -- 0,8093 AZN/USD.
Müəlliflə əlaqə saxlamaq üçün elektron ünvan: [email protected]