Azərbaycan, Bakı, 21 oktyabr/ Trend , müxbir E.İsmayılov/ "Qələbə" meydanından Azərbaycanın Nəqliyyat Nazirliyinədək gedən körpünün temperatur tikişlərində yaranmış çatlar hazırda Ayna Sultanovanın heykəli yaxınlığındakı körpüdə tətbiq edilən yeni texnologiyaların köməyi ilə ləğv ediləcək, - Nəqliyyat Nazirliyindəki işlərə yaxın mənbə bildirib.
"Ayna Sultanovanın heykəli yaxınlığındakı körpüdə işlər bir neçə gün əvvəl başlayıb. Yeni texnologiyalar tətbiq edildikdən sonra, onlar sınaqdan keçiriləcək. Sınaqlar uğurla keçərsə, bu texnologiyalar Nəqliyyat Nazirliyinin yaxınlığındakı körpüdə də tətbiq olunacaq", - mənbə bildirib.
Körpüdəki problemlərin ləğvi üçün tətbiq edilən texnologiyaların mahiyyəti açıqlanmır.
Körpüdəki temperatur tikişləri temperatur dəyişiklikləri nəticəsində betonun deformasiyasından qaçmaq üçün zəruridir.
Temperatur tikişlərindəki (deformasiya tikişləri) kiçik çatlar avtonəqliyyatın körpüdə hərəkətinə təsir etməyəcək və narahatlığa səbəb yoxdur,- mənbə bildirib.
Müəlliflə əlaqə saxlamaq üçün elektron ünvan: [email protected]
