Azərbaycan, Bakı, 21 oktyabr/ Trend , müxıbir N.İsmayılova/ "Daha iki Azərbaycan şirkəti TurnAround Management (TAM) Proqramına qoşulur. Bunlar "Bakferm" (zeytun istehsalı üzrə ixtisaslaşıb) və "Caspian Supplies" (çıxar materiallarının satışı və servis xidmətinin göstərilməsi ilə məşğul olur) şirkətləridir", - deyə çərşənbə axşamı Azərbaycanda "Business Advisory Services" (BAS) Proqramının direktoru Lalə Rzayeva "İxrac potensialı və özəlləşdirilmiş müəssisələrin rəqabət qabiliyyətinin artrılması" üzrə keçirilən seminarda bildirib.
"Yaxın vaxtalrada daha beş şirkətin - "Mediclub", "AER", "AzVirt", "Veysaloglu", "RT Services"in Proqrama qoşulması planlaşdırılır", - deyə Rzayeva bildirib. Avropa Yenidənqurma və İnkişaf Bankının (AYİB) nəzdində TurnAround Management (TAM) and Business Advisory Services Programme Team tərəfindən idarə olunan BAS Proqramı kiçik və orta sahibkarlığın inkişafına dəstək məqsədi ilə yaradılıb.
Azərbaycanda 2003 - cü ildə reallaşdırılmağa başlayan BAS Proqramı, Azərbaycanda özəl müəssisələrin davamlı inkişafı üçün nəzərdə tutulan proqram çərçivəsində, Avropa İttifaqı tərəfindən maliyyələşdirilib.
2005 - ci ildə BAS Azərbaycan AYİB -in "Early Transition Countries Multi-donor Fund"u tərəfindən dəstəklənib.
Məqlə müəllifi ilə əlaqə ünvanı - [email protected]
