Azərbaycan, Bakı, 22 oktyabr/ Trend / Azərbaycanın Dövlət Dəmir Yolunun (ADDY) komissiyası qış mövsümünə hazırlıq çərçivəsində, bütün dəmir yolu təsərrüfatlarının yoxlanılmasına başlayıb, - ADDY- nin məlumatında bildirilir.
Bütün binaların, meydançaların vəziyyəti, istehsalat və texnoloji intizama əməl edilməsi, ADDY-nin stansiyaları, müəssisələri və təşkilatlarında hərəkətin təhlükəsizliyinin təmin edilməsi, texniki təhlükəsizlik qaydalarına riayət olunması, ADDY-nin bütün müəssisələrinin qış mövsümünə hazırlığı yoxlanılacaq.
Yoxlama Yalama stansiyasından başlayıb. Bundan sonra Bakı - Böyükkəsik - Hacıqabul, Horadiz-Osmanlı, Astara - Şirvan - Ələt, Hacıqabul - Biləcəri, Abşeron sahəsi, Biləcəri, Bakı sərnişin stansiyası, Bakı yük stansiyası, Keşlə stansiyası, Tağıyev adına çeşidləmə stansiyası, Güzdək stansiyası, Xırdalan stansiyası istiqamətlərində bütün stansiyalar və dəmir yolu xətlərinə baxış keçiriləcək.
