...

Azərbaycanın sement zavodu bazardakı payını artırmaq niyyətindədir

Biznes və iqtisadiyyat xəbərləri Materials 22 Oktyabr 2008 18:42

Trend-i buradan izləyin

Azərbaycan, Bakı, 22 oktyabr/ Trend , müxbir Ü.İsmayılova/ Azərbaycanın Garadagh Cement zavodunun əsas səhmdarı İsveçrənin Holcim Group şirkəti zavodun tam yenidən qurulması və istehsal gücünün hazırki 1,35 mln. tondan 1,7 mln. tonadək genişləndirilməsi üçün əlavə olaraq 300 mln. sərmayə yatırmaq niyyətindədir", - zavodun Marketinq, Satış və Loqistika Şöbəsinin direktoru Balint Kato çərşənbə günü bildirib.

"İstehsal həcmi, ilk növbədə, kifayət qədər böyük olan daxili tələbatın ödənilməsi üçün genişləndiriləcək. Gələcəkdə isə, sementin ixrac ediləcəyi istisna olunmur", - Kato bildirib.

Şirkətin şöbə direktorunun sözlərinə görə, Garadagh Cement Azərbaycanda klinker (sement istehsalı üçün xammal) istehsal edən yeganə müəssisədir. Klinkerin istehsal həcmi ildə 800 min ton təşkil edir ki, bu da 1,35 mln. ton sementin istehsalına imkan yaradır.

Zavod artıq istehsal obyektlərinin genişləndirilməsi üçün yerli icra hakimiyyətindən icazə alıb. Zavodun yenidən qurulması və yeni sobanın tikintisi 2009 - cu ilin əvvəlində başlayacaq və 2012-ci ilə başa çatacaq, - Kato vurğulayıb.

Garadagh Cement-in ölkə bazarındakı payı təxminən 43 faizdir. Şirkətin hesablamalarına əsasən, Azərbaycanda sementə olan illik tələbat 4,3 mln. tondurr.

İsveçrənin Holcim şirkəti 1999 - cu ildə Garadagh Cement-i özəlləşdirib. Garadagh Cement-in səhmlərinin 69,4 faizi Holcim-ə, 10 faizi Avropa Yenidənqurma və İnkişaf Bankına, 10,6 faizi kiçik səhmdarlara, 10 faizi Azərbaycan İnvestisiya Şirkətinə məxsusdur.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti