Azərbaycan, Bakı, 24 oktyabr/ Trend , müxbir N.İsmayılova/ MDB - yə üzv dövlətlərin "Birlik ölkələrinin maliyyə bazarları: inkişaf və inteqrasiya" beynəlxalq bank konfransı böhranlı vəziyyətdən çıxışın milli strategiyalarının və maliyyə sabitliyi məsələlərinin kollektiv həlli üçün çevik mexanizmlərin işlənilməsi məsələləri üzrə rəy mübadiləsinə imkan verəcək", - Azərbaycan Milli Bankı İdarə Heyətinin sədri Elman Rüstəmov Bakıda konfransın açılışında bildirib.
"Qlobal böhranın ilkin dəyərləndirilməsi göstərir ki, müasir dünyada məhz lazımi kollektiv qarşılıqlı əlaqənin olmaması dünya iqtisadiyyatı balansının pozulması səbəblərindən biridir", - Rüstəmov bildirib.
Onun sözlərinə görə, bu XXI əsrin ilk iri böhranıdır və yayılması və nəticələrinə görə, bütün əvvəlki böhranları ötəcək. O, 2,3 mlrd. insanın yaşadığı ərazini və ya bütün dünya əhalisinin 35 fazini, dünya ÜDM - nin 63 faizini istehsal edən ölkələri əhatə edib.
"Böhran bu və ya digər dərəcədə bizim iqtisadiyyatımıza da toxunur. Bizim hər birimiz üçün bu, ilk növbədə, dünya tələbatının azalması, dünya inflyasiyası, beynəlxalq bazarlarda kreditlərin təkrarmaliyyələşdirmə problemləri, hasilatçı ölkələr üçün neftin qiymətlərinin azalmasıdır", - Rüstəmov bildirib.
Böhran şəraitində qlobal disbalans güclənir və dünya staqflasiyasının (inflyasiya ilə eyni vaxtda iqtisadi durğunluq) əlamətləri aydın görünüb.
Böhranın dünya iqtisadiyyatının növbəti dövri titrəyişinin nəticəsi olmasına dair rəy var. Lakin bir neçə amil iqtisadi azalmanı dərinləşdirir. Əvvəla, maliyyə sistemlərinin güclü inteqrasiyası müasir qlobal iqtisadiyyata xas olan cəhətdir ki, bu da onun sistemdaxili sarsıntılar qarşısında zəifliyini gücləndirir. İkincisi, maliyyə bazarlarında ticarətin elektron tipi törəmə maliyyə alətləri ilə genişmiqyaslı spekulyatv əməliyyatlar aparmağa imkan verir. Aparılmış hesablamalara əsasən, belə alətlərin həcmi dünya ÜDM-nin həcmindən 10 dəfə çoxdur.
"Görünür, dünyadakı mövcud maliyyə riskləri və likvidliyin idarəsi institutları maliyyə sisteminin inkişaf miqyasına adekvat olmayıblar, - AMB-nin rəhbəri hesab edir. - Bu şəraitdə dünya maliyyə arxitekturası köklü yenidənqurmaya çox sıx yaxınlaşıb və son günlər tez - tez dünya maliyyə nizamının yeni konfiqurasiyasının yaradılmasına çağırışlar eşidilir.
Bir il əvvəl konfransın tematikası "İnteqrasiya və inkişaf" kimi müəyyən edilsə də, Rüstəmovun rəyinə görə, bu gün dünya maliyyə böhranından müdafiə alətlərinin işlənilməsi məsələsi ən aktual məsələdir.
Azərbaycan Milli Bankı İdarə Heyəti sədrinin sözlərinə görə, inteqrasiya prosesləri uzunmüddətli xarakter daşıyır və ilk növbədə, milli iqtisadiyyatların, maliyyə sektorunun inteqrasiyası baş verir. Lakin bu, ən obyektiv və düzgün prosesdir.
Müəlliflə əlaqə saxlamaq üçün elektron ünvan: [email protected]