Azərbaycan, Bakı, 24 oktyabr/ Trend , müxbir Ü.İsmayılova/"Azərbaycanın Texnika Bank-nın kredit portfeli 34 mln. manat təşkil edir", - bankin İdarə Heyətinin sədri Samir Hüseynov cümə günü bildirib.
Ümumi ipoteka portfelinin 12 mln. manatı Azərbaycan İpoteka Fondunun (AİF) hesabına, 8 mln. dolları Qara dəniz Ticarət və İnkişaf Bankının (QTİB) krediti hesabına təkrar maliyyələşdirilib, qalan kreditlər bankın şəxsi vəsaitləri hesabına təmin edilib.
Texnika Bank Azərbaycanda ipotekanın maliyyələşdirilməsi üçün xarici borclanma cəlb etmiş ilk bankdır. 2007-ci ilin əvvəlində QTİB banka bu məqsədlər üçün altı il müddətinə 8 mln. dollar verib.
"İlin sonunadək şəxsi ehtiyatlarımızdan, həmçinin, bankın cəlb etmək niyyətində olduğu xarici borclanmalar hesabına ipoteka kreditləşdirməsinə daha 15 mln. manat ayırmaq niyyətindəyik", - Hüseynov bildirib.
Bununla yanaşı, o, maliyyə institutunun adını və kreditin məbləğini açıqlamaqdan imtina edib.
Bankın rəhbəri bildirib ki, ipoteka Texnika Bank üçün maraqlı məhsuldur. Onun rəyinə görə, ölkədə ipoteka kreditləşdirməsinə yaxşı şərait olduğundan, bank bu boşluğu doldurmaq niyyətindədir.
Oktyabrın 1-nə Texnika Bank- ın məcmu kapitalı 55 mln. manat, Nizamnamə kapitalı 26 mln. manat təşkil edib. Doqquz ay ərzində bankın mənfəəti 20 mln. manat olub.
Müəlliflə əlaqə saxlamaq üçün elektron ünvan: [email protected]
