Azərbaycan, Bakı, 28 oktyabr/ Trend , müxbir N.İsmayılova/ Asiya İnkişaf Bankı (AİB) Azərbaycan bankı - "Bank Standard"a kiçik və orta sahibkarlığın maliyyələşdirilməsi üçün nəzərdə tutulan kreditin birinci tranşının ayrılacağı müddəti konkretləşdirmir.
"Biz AİB ilə ilk tranşın konkret ayrılma müddəti üzrə danışıqlar apardıq, lakin qlobal maliyyə böhranı səbəbindən bank müddəti konkretləşdirmir", - deyə çərşənbə axşamı keçirilən mətbuat konfransında "Bank Standard"ın İdarə Heyəti sədrinin birinci müavini Cavid Quliyev bildirib.
AİB krediti sentyabrda təqdim etməli idi. AİB üç banka kredit verməyi planlaşdırıb: "Bank Standard", "UniBank" və "Texnika Bank".