Azərbaycan, Bakı, 29 oktyabr/ Trend , müxbir N.İsmayılova/ Azərbaycanın ASBank və Rabitə Bank bankları noyabrda istehlak kreditləşdirməsini bərpa edəcəklərini gözləyirlər, - banklardan çərşənbə günü bildiriblər.
Bank Respublika kreditlərin bərpasını yanvaradək təxirə salıb. Əvvəllər bankdan istehlak kreditlərin verilməsinə noyabrda başlamaq niyyətində olduqlarını bildirmişdilər.
AzerTurkBank-dan bildiriblər ki, bank əvvəllər əməkdaşlıq etdiyi müəyyən müştərilərə borc verir. Hazırda bank yeni müştərilərlə müqavilə bağlamır.
Gəncə şəhərində yerləşən Gandja Bank bütün növ kreditlərin verilməsini dayandırıb. Bankdan bildiriblər ki, kreditləşdirmənin bərpa ediləcəyi tarixi konkretləşdirə bilməzlər.
Türkiyənin Yapi Kredi Bank-nın Bakı filialı əmək haqqı 400 manatdan çox olan müştərilərə istehlak kreditləri verir. 1500 manatadək kreditin alınması üçün bir zamin, 3000 manatadək kredit üçün iki zamin tələb olunur. 3000 manatdan yuxarı məbləğdə kreditlərin verilməsi üçün əmlakın girov qoyulması tələb olunur.
Digər banklardan - Mugan Bank, Azerdemiryolbank, Royal Bank of Baku, Atabank, United Credit Bank, Zamin Bank, Xalq Bank-dan bildiriblər ki, kreditlərin verilməsi hələ ki dondurulub. Banklarda kreditləşdirmənin bərpa olunacağı tarixi konkretləşdirə bilməyiblər.
Atra Bank-dan bildiriblər ki, bank kreditlərin verilməsini dayandırmasa da, hazırda istehlak kreditləri 1500 manatdan çox olmayan məbləğdə və zamin təqdim edilməklə verilir.
NBC Bank- dan bildiriblər ki, bank yalnız Nurgun Motors şirkətindən avtomobillərin alınmasına kredit verir, digər kreditlərin verilməsi dayandırılıb.
Bank of Baku hazırda yalnız istehlak kreditləri versə də, pul borclanmaları hələ bərpa edilməyib.
Kapital Bank oktyabrın əvvəlindən istehlak kreditləşdirməsinin verilməsini bərpa edib.
UniBank istehlak kreditlərin verilməsini davam etdirir. "Lakin bankın kredit siyasəti daha ehtiyatlı olub", - UniBank-dan bildiriblər. Bank yalnız təmiz kredit tarixi və zəmanətli ödəmə qabiliyyəti olan müştərilərə kredit verir.
Bank Standard-dan bildiriblər ki, bank kreditlərin verilməsi zamanı seçmə siyasətinə söykənir, Bank Standard-ın kredit kartına sahib olan və yüksək maaş alan müştərilərə üstünlük verilir. Lakin istehlak kreditləşdirməsinin tam bərpası yalnız gələn ay mümkündür.
AzeriGazBank-dan bildiriblər ki, bank "kiçik kreditlərin verilməsini dayandırmayıb" və hazırda əvvəlki rejimdə işini davam etdirir.
Oktyabrın 29-na olan cari mübadilə məzənnəsi -- 0,8116 AZN/USD.
Müəlliflə əlaqə saxlamaq üçün elektron ünvan: [email protected]
