...

DB Azərbaycanda daşınmaz əmlakın qeydiyyatı üzrə tədbirlərin realizəsi icmalını aparacaq

Biznes və iqtisadiyyat xəbərləri Materials 3 Noyabr 2008 17:05 (UTC +04:00)

Azərbaycan, Bakı, 03 noyabr/ Trend , müxbir İ.Xəlilova/ Dünya Bankı (DB) Azərbaycanda ümumi dəyəri 38,57 mln. dollar olan daşınmaz əmlakın qeydiyyatı layihəsinin realizəsinin icmalını aparmağa hazırlaşır, - DB - nin Bakı nümayəndəliyindən bildiriblər.

Bununla əlaqədar, layihənin rəhbəri Qevin Adlinqtonun başçılıq etdiyi bankın missiyası noyabrın 10 -17 - də Daşınmaz Əmlakın Dövlət Reyestri Xidməti və Dövlət Əmlakının İdarə Edilməsi üzrə Dövlət Komitəsində məsləhətləşmələr aparacaq.

DB-nin layihəsi bütün Azərbaycan ərazisini əhatə edəcək və onun realizəsinin sonunadək daşınmaz əmlakın yerləşməsi və əmlak hüquqları haqqında bütün müvafiq informasiya vahid avtomatlaşdırılmış sistemə daxil olunacaq.

Daşınmaz əmlak sazişlərinin qeydiyyatı sistemi 21 qeydiyyat ofisinin hamısında avtomatlaşdırılacaq. Layihəyə Daşınmaz Əmlakın Dövlət Reyestri Xidmətinin 21 ofisi daxildir və Dövlət Əmlakının İdarə Edilməsi üzrə Dövlət Komitəsinin 60 ofisini əhatə edəcək. Bu sistemə meşə massivləri, bataqlıqlaşmış ərazilər və təbii areallar daxil edilməyəcək.

Layihə dörd komponentdən ibarətdir - daşınmaz əmlakın qeydiyyatı; dövlət əmlakının idarə edilməsi və reyestri; baza xəritəçəkmə və torpaq kadastrı; treninqlər, siyasətin formalaşdırılması və layihənin idarə edilməsi.

DB - nin kredit ehtiyatları hesabına layihənin dəyərinin təxminən 78 faizi maliyyələşdirilir. Beynəlxalq Yenidənqurma və İnkişaf Bankının xətti ilə, beş il güzəştli dövr olmaqla, 20 il müddətinə 30 mln. dollar ayrılıb.

DB-nin Direktorlar Şurası layihəni 2007-ci il martın 21-də təsdiqləyib.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti