Azərbaycan, Bakı, 03 noyabr/ Trend , müxbir N.İsmayılova/ 2009 - cu ildə Azərbaycanda ÜDM istehsalı həcminin 2008-ci ildə proqnozlaşdırılan 21,3 faiz artımla, 41,11 mlrd. manata qarşı, 18,9 faiz artımla 43,64 mlrd. manat səviyyəsində olacağı gözlənilir, - makroiqtisadi proqnoz layihəsində bildirilir.
Növbəti üç ildə ÜDM - in artım templərinin azalacağı gözlənilir: 2010-cu ildə artım 6,6 faiz, 2011 - də - 4,5 faiz, 2012-də - 2,4 faiz səviyyəsində proqnozlaşdırılır. Əhalinin adambaşına düşən ÜDM-in həcmi artacaq: 2009 - cu ildə 6300,8 dollar, 2010 - da - 6399,9 dollar, 2011- də - 6859,6 dollar, 2012 - də 7142,9 dollar, - bazar ertəsi hökumətdən bildiriblər.
2009 - cu ildə ÜDM-in artım templəri qeyri - dövlət sektorunun inkişafı ilə bağlıdır. Proqnozlara görə, özəl sektorun ÜDM - dəki payı 2008 - ci ildə 86 faiz səviyyəsində planlaşdırıldıqda, 2009-cu ildə 88 faiz təşkil edəcək.
2009 - cu ildən başlayaraq, neft sektorunun ÜDM-dəki payı azalmağa başlayacaq. 2008 - ci ildə onun payının, neft ÜDM-nin artım templəri 29,6 faiz olmaqla, 64 faiz səviyyəsində olacağı gözlənilirsə, gələn il 59 faiz (24,4 faiz artım), 2010 - cu ildə - 52,4 faiz (artım 4,1 faiz), 2011 - ci ildə - 48,1 faiz (azalma 0,4 faiz), 2012 - ci ildə 42,9 faiz (azalma 5,9 faiz) həcmində proqnozlaşdırılır.
2009 - cu ildə sənayedə real artımın 23 faiz səviyyəsində olacağı (2008 - ci ildə 27,4 faiz) və 27,077 mlrd. manat təşkil edəcəyi, kənd təsərrüfatında isə, 9 faiz artımla (bu il 8 faiz) 2,56 mlrd. manat olacağı planlaşdırılır.
2008 - ci illə müqayisədə, nəqliyyat sektorunda 11 faiz - 1,31 mlrd. manatadək (2008-ci ildə bu sektorda gözlənilən artım 12 faiz); rabitə sahəsində - 25 faiz (2008-ci ildə 27 faiz); sosial və qeyri - rəsmi xidmətlər sahəsində - 4,5 faiz (2008-ci ildə 4 faiz); tikinti sektorunda - 11 faiz (2008-ci ildə 17 faiz); daxili ticarətdə - 15 faiz (2008 - ci ildə 17 faiz) artım olacağı gözlənilir.
Görülən tədbirlər nəticəsində, əhalinin pul gəlirləri, orta aylıq əmək haqqı və pensiyalar artacaq. 2008 - ci ildə iqtisadiyyatın müxtəlif sahələrində işləyənlərin orta aylıq əmək haqqı artımının 30 faiz - 280,5 manatadək, 2009 - cu ildə 26 faiz 353,5 manatadək olacağı gözlənilir. Cari ildə əhalinin pul gəlirləri 29,9 faiz, 2009-cu ildə 22,5 faiz artacaq.
Noyabrın 3 - nə olan cari mübadilə məzənnəsi - 0,8087 AZN/USD.
Müəlliflə əlaqə saxlamaq üçün elektron ünvan: [email protected]
