Azərbaycan, Bakı, 03 noyabr/ Trend , müxbir Ü.İsmayılova/ Azərbaycanın Sığortaçılar Assosiasiyası Köln Tətbiqi Elmlər İnstitutunun professoru Oskar Coiki ilə birlikdə ölkədə sığorta təhsilinin inkişafının stimullaşdırılması üzrə birgə iş aparacaq, - Assosiasiyanın icraçı direktoru Qafar Məcidov bazar ertəsi bildirib.
"Birgə işlərin başlaması üzrə danışıqlar ilin sonunadək baş tutacaq", - Məcidov bildirib.
Onun sözlərinə görə, birgə iş müsabiqə haqqında elanı - sığorta mövzusunda ən yaxşı referatı nəzərdə tutur. Müsabiqə birinci mərhələdə tələbələr, sonra sığorta bazarı iştirakçıları üçün nəzərdə tutulub.
Azərbaycanda sığorta işinə dair ayrıca institut yoxdur və sığorta işinin təşkili üzrə yeganə fakültə Azərbaycan Dövlət İnşaat və Memarlıq Universiteti nəzdində fəaliyyət göstərir və ilk mütəxəssislərini yalnız bu il buraxacaq.
Məcidov bildirib ki, müsabiqənin qalibləri sığorta işinin tədris edildiyi Almaniyanın ali təhsil məktəblərinə kurslar keçmək imkanı, 2 min avro məbləğində pul mükafatı qazanacaqlar. Assosiasiya belə tədbirləri özü keçirə bilmədiyindən, Azərbaycanda sığorta işinin birgə stimullaşdırılması barədə qərar qəbul edilib.
"Müsabiqənin qalibləri dünya səviyyəli sığorta şirkətlərində təcrübədən keçmək imkanı əldə edəcəklər", - Məcidov bildirib.
Azərbaycanın Sığorta Şirkətləri Assosiasiyası 2006 - cı ilin dekabrında təsis edilib. Assosiasiyanın Müşahidə Şurasına beş şirkət daxildir (MBASK, Standard İnsurance, Beynəlxalq Sığorta Şirkəti, Azersigorta, Ateshgah). Müşahidə Şurasının sədri MBASK-ın İdarə Heyətinin rəhbəri Cəmil Məlikovdur.
Müəlliflə əlaqə saxlamaq üçün elektron ünvan: [email protected]