Azərbaycan, Bakı, 14 noyabr / Trend müxbir İ.Xəlilova/ 2009-cu ildə Naxçıvan Muxtar Respublikasına təyyarə uçuşlarının maliyyələşdirilməsi üçün ayrılan maddi yardım artırılacaq. Bunu maliyyə naziri Samir Şərifov 2009-cu il üçün dövlət büdcəsi layihəsini parlamentdə keçirilən müzakirələri zamanı bildirib.
Naxçıvana təyyarə biletlərinin qiyməti 80 manatdır. Bundan 40 manatı dövlət tərəfindən dotasiya qaydasında ödənilir.
Nazirin sözlərinə görə, dövlət büdcəsinin inkişaf tempi 10 faiz aşağı olmasına baxmayaraq, Muxtar Respublikaya 2009-cu ildə çəkiləcək xərclər 25,4 faiz artırılacaq.
Şərifov qeyd edib ki, blokadada olan Muxtar Respublikaya kifayət qədər vəsait ayrılır.
Dolların 13 noyabr məzənnəsi 0,8104 AZN/USD təşkil edir.
Məqalə müəllifi ilə əlaqə ünvanı: [email protected]
