Azərbaycan, Bakı, 14 noyabr/ Trend , müxbir İ.Əlizadə/ "Azərbaycan hökuməti yaşayış minimumunun hesablanması və onun yenidən formalaşdırılması üçün istehlak səbəti strukturunun dəyişdirilməsi məsələsini nəzərdən keçirir", - iqtisadi inkişaf nazirinin müavini Sevinc Həsənova cümə günü Milli Məclisin "2009 - cu ildə yaşayış minimumu haqqında" qanun layihəsinin müzakirəsi üzrə plenar iclasında bildirib.
"Dəyişikliklər istehlak səbətinin yeni xidmətlərlə genişləndirilməsi və kalori həcminin artırılmasını nəzərdə tutur, - Həsənova bildirib. - Dəyişikliklər təsdiq edildikdən sonra, istehlak səbətinə daxil edilmiş ərzaq məhsulları üzrə kalorinin həcmi 2240 kkal təşkil edəcək".
Onun sözlərinə görə, istehlak səbətinin strukturuna İnternet xidmətləri və informasiya -kommunikasiya texnologiyaları sahəsində bir sıra yeni xidmətləri daxil etmək planlaşdırılır.
Müəlliflə əlaqə saxlamaq üçün elektron ünvan: [email protected]
