...

Azərbaycanda yaşayış minimumunun və ehtiyac meyarının səviyyəsi artırılacaq

Biznes və iqtisadiyyat xəbərləri Materials 14 Noyabr 2008 19:31 (UTC +04:00)

Azərbaycan, Bakı, 14 noyabr / Trend müxbir İ.Əlizadə/ "Azərbaycanda əhalinin sosial təminatının gücləndirilməsi üçün 2009 - cu ildə yaşayış minimumunun və ehtiyac meyarının səviyyəsi artırılacaq", - cümə günü Milli Məclisin qanun layihələrinin müzakirəsi üzrə plenar iclasında parlamentin İtqisadi siyasət daimi komissiyasının sədri Ziyad Səmədzadə söyləyib.

Ünvanlı sosial yardım üçün ehtiyac meyarının səviyyəsi 2009 - cu il yanvarın 1 - dən 60 manatadək artırılacaq. 2008 - ci ilin iyunundakı sonuncu artımdan sonra hazırda bu göstərici 55 manatdır.

2009 - cu ildən yaşayış minimumunun səviyyəsinin, orta hesabla, 64 manatdan - 84 manatadək artırılması planlaşdırılır. Əməkqabiliyyətli əhali üçün bu, 92 manat, təqaüdçülər üçün - 65 manat, uşaqlar üçün - 69 manat olacaq.

Səmədzadə hesab edir ki, Azərbaycanda sosial - iqtisadi vəziyyət yaxşılaşdığından, bir neçə ildən sonra ehtiyac meyarınından imtina etmək imkanı yaranacaq.

Bəzi deputatlar yaşayış minimumu səviyyəsinin ehtiyac meyarı üstələməsini düzgün saymırlar.

İqtisadi inkişaf nazirinin müavini Sevinc Həsənovanın sözlərinə görə, yaşayış minimumunun səviyyəsi 2002 - ci illə müqayisədə 2,5 dəfə artıb. 2002 - ci ildə bu göstərici 35 manat idisə, 2009 - cu ildə bu rəqəmin 84 manata çatacağı gözlənilir.

Onun sözlərinə görə, Azərbaycanda ünvanlı sosial yardım 2007-ci ildən tətdiq olunur və bu il onun məbləği 20 manat artacaq.

2009 - cu ildə dövlət büdcəsində sosial xərclərin 24,4 faizə - 4,024 mlrd. manatadək artırılacağı planlaşdırılır.

Noybarın 14 - nə olan məzənnə - 0,8093 AZN/USD.

Məqalə müəllifi ilə əlaqə ünvanı: [email protected]

Xəbər lenti

Xəbər lenti