Azərbaycan, Bakı, 19 noyabr/ Trend , müxbir İ.Xəlilova/ "Azərbaycanın Əmanətlərin Sığortalanması Fondu (ADİF) əmanətçilərin əsasən üstünlük verdikləri əmanət məbləğinin aşkar edilməsi məqsədilə, fonda üzv banklarda depozit portfeli strukturunun monitorinqinin aparılmasına hazırlaşır", - ADİF-in icraçı direktoru Azad Cavadov çərşənbə günü bildirib.
"Bu Fondun zəmanət verdiyi bank əmanətlərinin artırılmasının mümkün olduğu optimal həddi müəyyən etmək üçün aparılacaq, - Cavadov bildirib. - Yalnız bundan sonra əmanətin tam örtülməsi üçün limitin artırılmasıına zərurət təhlil ediləcək".
Azərbaycan Milli Bankı (AMB) zəmanət verilmiş əmanətlərin son həddinin artırılması üzrə ölkənin bank cəmiyyəti ilə bu məsələylə bağlı məsləhətləşmələrə artıq başlayıb. 2008 - ci ilin əvvəlindən maksimal sığorta edilən məbləğ 6 min manatadək artırılıb, 2010 - cu il yanvarın 1- dən bu rəqəmi səkkiz min manatadək çatdırmaq gözlənilir. "Əmanətlərin sığortalanması haqqında" Qanuna görə, 2008 - ci il yanvarın 1- dək Azərbaycanın Əmanətlərin Sığortalanması Fondundan 4 min manatadək əmanətlər tam qorunurdu.
Qorunan əmanətin son həddinin artırılması məsələsinin aktuallığı ölkənin bank sisteminə etibarın möhkəmləndirilməsi məqsədilə qaldırılıb ki, bu da dünya maliyyə böhranı şəraitində zəruridir.
Bundan əlavə, noyabrdan
etibarən, Sığorta Fondu gəlirlilik dərəcəsi
illik 18 faizdən çox olan bank əmanətlərini
sığortalamaır. Bu, Milli Bankın noyabrın 3 - dən
uçot dərəcəsinin 10 faizədək
azaldılması haqqında qərarı ilə
bağlıdır. Cavadovun sözlərinə görə, bu
yalnız AMB - nin qərarından sonra cəlb edilən yeni
əmanətləri əhatə edəcək və Qanunun geriyə
təsir qüvvəsi olmadığı üçün, köhnə
əmanətçilərlə müqavilələrə
yenidən baxmaq zərurəti yoxdur.
"Əmanətlərin sığortalanması haqqında"
Qanuna əsasən, AMB - nin uçot dərəcəsindən
1,8 dəfə çox illik faiz dərəcəsi üzrə
cəlb edilmiş əmanətlər sığortalanmır.
Noyabrdan illik 18 faizdən çox dərəcə altında
cəlb edilən əmanətlər sığortalanmır,
ADİF - ə üzv banklar gəlirlilik dərəcəsi
illik 18 faizdən yüksək olan əmanətlər
üzrə təqvim ödənişlərini həyata
keçirməyəcəklər.
Azərbaycanda uçot dərəcəsi oktyabrda, iki
mərhələdə azaldılıb. Oktyabrın 14 - dən
uçot dərəcəsi 15 faizdən 12 faizədək,
oktyabrın 31- dən 10 faizədək azaldılıb.
Beləliklə, oktyabrın 14 - dək
sığortalanmış əmanətlərə
gəlirliliyi 27 faizdən çox olmayan əmanətlər,
noyabrın 3 - dək gəlirliliyi 21,6 faizdən çox
olmayan əmanətlər aid edilirdisə, hazırda
gəlirlilik dərəcəsi 18 faizdən yüksək
olmayan əmanətlər sığortalanır.
Bankların Fondun reyestrinə
daxil edilərkən ödədikləri birdəfəlik
üzvlük haqqı nəzərə alınmaqla,
oktyabrın 1 - nə olan vəziyyətə görə,
ADİF - ə daxilolmaların ümumi məbləği 9,421
mln. manat təşkil edib.
Fiziki şəxslərin Fonda üzv banklardakı
əmanətlərinin məcmu həcmi 1,731 mlrd. manat, o
cümlədən sığortalanmamış
əmanətlər - 268 mln. manat təşkil edib.
Sığortalanmış əmanətçilərin sayı
1275540 nəfərə çatıb.
Fond 2007 - ci il avqustun 13 - də fəaliyyətə başlayıb. ADİF - ə ölkədə fəaliyyət göstərən 38 bank daxildir.
Noyabrın 19 - na olan cari mübadilə məzənnəsi -- 0,8094 AZN/USD.
Müəlliflə əlaqə saxlamaq üçün elektron ünvan: [email protected]