Azərbaycan, Bakı, 24 noyabr/ Trend , müxbir Ü.İsmayılova/ Yanvar-oktyabrda MDB ölkələrindən Azərbaycana 1,9 mlrd. dollar məbləğində mal idxal olunub ki, bu da ölkənin ümumi idxalının 33,29 faizini təşkil edir. Bu barədə bazar ertəsi Dövlət Gömrük Komitəsindən məlumat verilib.
MDB-dən Azərbaycana dənli bitkilər, nəqliyyat vasitələri, qara metallurgiya məmulatları, avadanlıq və mexaniki qurğular idxal olunub.
Azərbaycandan MDB-yə mal ixracı məbləği 1,3 mlrd. dollar (Ümumi ixracın 3,03 faizi) təşkil edib.
MDB ölkələrinə əsasən, mineral yanacaq, şəkər, qənnadı məmulatları, neft məhsulları, kimyəvi maddələr, heyvan və bitgi yağları, pambıq, tərəvəz və meyvə ixrac edilib.
MDB ölkələri ilə idxal-ixrac əməliyyatları üzrə 570 mln. dollar həcmində mənfi qalıq yaranıb.
Yanvar-oktyabrda Azərbaycan dünyanın 138 ölkəsi ilə ticarət əməliyyatları həyata keçirib.
Məqalə müəllifi ilə əlaqə ünvanı - [email protected]
