Azərbaycan, Bakı, 24 noyabr/ Trend , müxbir İ.Xəlilova/ Azərbaycanın Vergilər Nazirliyinin həyata keçirdiyi operativ nəzarət tədbirlərinin yekunlarına əsasən, 1425 vergi ödəyicisi tərəfindən vergi qanunvericiliyini pozulması faktları aşkar edilib. Tədbirlər oktyabrın 20 - dən noyabrın 16 - dək olan dövrü əhatə edib. Qanunvericiliyi pozanların sayı yenidən artmağa başlayıb və ötən ayla müqayisədə, artım 54 faizdən çox olub.
Nəzərdən keçirilən dövr ərzində 838 vergi ödəyicisi nəqd hesablamaların aparılması qaydalarını pozub, 80 vergi ödəyicisində xarici valyutanın ödəmə vasitəsi kimi qəbul edilməsi faktları aşkarlanıb. Aparılan tədbirlər nəticəsində, vergi orqanlarında uçota düşmədən fəaliyyət göstərən 141 vergi ödəyicisi aşkar edilib, 230 vergi ödəyicisi isə xüsusi icazənin alınmasını tələb edən sahələrdə fəaliyyət göstərib.
Operativ nəzarət tədbirləri zamanı 48 vergi ödəyicisində əmək müqaviləsi bağlanılmadan işə cəlb edilən 52 fiziki şəxs aşkar edilib. 41 vergi ödəyicisi fərqləndirmə nişanları almadan sərnişin daşınmaları həyata keçirib, 34 nəfər ictimai yerlərdə valyuta alqı-satqısı əməliyyatları aparıb.
Aksiz markaların tətbiqinə nəzarət məqsədilə, 13 vergi ödəyicisində 1177,1 manat dəyərində müvafiq nişanlanması olmayan 186 mal aşkarlanıb.
Müəlliflə əlaqə saxlamaq üчün elektron ünvan: [email protected]
