Azərbaycan, Bakı, 25 noyabr/ Trend , müxbir Ü.İsmayılova/ ABŞ-ın Beynəlxalq İnkişaf Agentliyi (USAID) 2009-cu ildə Azərbaycan üçün büdcənin artırılması imkanlarını nəzərdən keçirir. Bu barədə USAID missiyasının baş iqtisadçısı Pol Deyvis bildirib.
"USAID hələ ki, gələn il üçün büdcəsini təsdiq etməyib, məsələ açıqdır, lakin çox güman ki, büdcə artırılacaq", - deyə Deyvis bildirib. 2008-ci ildə USAID-in Azərbaycan üçün büdcəsi 13 mln. dollar təşkil edib.
Onun sözlərinə görə, bu ilin büdcəsi əsasən iqtisadi inkişaf və səhiyyə sahələrinə dəstəyə yönəldilib.
USAID - ABŞ federal hökumətinin müstəqil agentliyidir. Agentliyin fəaliyyətinin məqsədi dünyanın 100-dən çox ölkəsində Birləşmiş Ştatların sosial iqtisadi inkişaf və humanitar yardımın göstərilməsi üzrə hökumət proqramlarının reallaşdırılmasından ibarətdir. Bu təşkilatın proqramlarının maliyyələşdirilməsinə hər il ABŞ-ın federal büdcəsinin təqribən bir faizi ayrılır.
USAID Azərbaycanda1992-ci ildən fəaliyyət göstərir.
Məqalə müəllifi ilə əlaqə ünvanı - capital
