...

Fitch Ratings Azərbaycan bankına sabit proqnozla uzunmüddətli emitent defoltu reytinqi verib

Biznes və iqtisadiyyat xəbərləri Materials 26 Noyabr 2008 20:49 (UTC +04:00)

Azərbaycan, Bakı, 26 noyabr/ Trend , müxbir N.İsmayılova/ Fitch Ratings reytinq agentliyi Azərbaycanın AGBank-ına sabit proqnozla xarici valyutada uzunmüddətli emitent defoltu reytinqi (EDR) "B -" (B mənfi ) verib, - agentliyin məlumatında bildirilir.

Reytinqlər bankın beynəlxalq standartlar üzrə kiçik ölçüsü, kredit portfeli və depozit bazasının nəzərəçarpacaq dərəcədə cəmləşməsi, potensial zəif likvidlik, bir müddət əvvəlki yüksək artımla bağlı risklər, yüksək olmayan kapitallaşma və əməliyyat mühitinin çatışmazlıqlarını diqqətə alır. Reytinqlər, hesabatlılığa əsasən, AGBank-ın aktivlərinin bu gün üçün münasib keyfiyyəti və depozitlərin nisbətən sabitliyini, bankın minoritar sahibi - Beynəlxalq Maliyyə Korporasiyasının (BMK)  bankı fondlaşdırması və idarə etməsi baxımından potensial dəstəyi də nəzərə alır.

Qısamüddətli likvidlik riski böyükdür. 2008 - ci ilin üçüncü rübünün sonuna bankın öhdəliklərinin 18 faizi beynəlxalq kontragentlərin payına düşüb. Bununla yanaşı, bu məbləğin yarısı (və ya passivlərin 8 faizi) bir beynəlxalq bankın müddəti 2009 - cu ilin yanvarında başa çatan iri depozitinin payına düşür ki, bu da potensial likvidlik zəifliyini şərtləndirir. Buna baxmayaraq, bu gün müştəri fondlaşdırmasının nisbətən sabitliyi, kredit portfelinin qısamüddətli xarakter daşıması likvidlik riskini qismən yumşaldır. BMK ilə 10 ilədək müddətə 15 mln. dollar məbləğində subordinasiya edilmiş kreditin alınması haqqında danışıqların uğurla başa çatması, AGBank-ın likvidlik mövqelərini möhkəmləndirə bilərdi.

2008 - ci ildə kapital və bölünməmiş mənfəətn hesabına AGBank-ın kapitallaşması dəstəklənib. 2008 - ci ilin üçüncü rübünün sonuna  bankın 1 səviyyə kapitalı və ümumi kapitalının kifayətlilik göstəriciləri, müvafiq olaraq, 12,4 faiz və 15,1 faiz təşkil edib, Fitch-in tənzimləyici kapital göstəricisi isə (2 səviyyənin kapitalına əsas etibarilə cari ilin mənfəəti və ümumi ehtiyatlar daxildir,) 14,3 faiz olub. Əməliyyat mühitinin çatışmazlıqları, aktivlərin sürətli artımı, sərbəst kapitalın aşağı səviyyəsi və balansın xeyli cəmləşməsini nəzərə alan Fitch, AGBank-ın kapitallaşmasını yüksək olmayan hesab edir.

Son illər portfeldə problemli kreditlərin (90 gündən çox vaxtı ötmüş kreditlər aid edilir) payı azalsa da, belə azalma qismən kredit portfelinin artması ilə bağlı olub və problemli kreditlər əvvəlki kimi, portfelin əhəmiyyətli hissəsini tutur: 2008 - ci ilin üçüncü rübünün sonuna kredit portfelinin 3,1 faizi. Fitch-in bankdan aldığı məlumata görə, 2008 - ci il noyabrın ortalarına dəyərdən düşmüş belə  kreditlərin bir hissəsi ödənilib. Kredit portfelinin yaxşı təminat səviyyəsi olsa da və dəyərdən düşmüş kreditlər üzrə kifayət ehtiyat yaradılsa da, Fitch-in rəyinə görə, mövcud çətin vəziyyətdə  kredit portfeli zamanla yoxlandıqca əlavə itkilər bankın kapitalına nisbətdə böyük ola bilər.

Reytinqə mənfi təzyiq likvidliyin və ya bank aktivlərinin keyfiyyətinin xeyli zəifləməsi baş versə mümkündür. Bankın kredit qabiliyyətliliyinin mümkün zəif tərəfləri və qlobal resessiyanın Azərbaycan iqtisadiyyatına təsirinə dair qeyri -müəyyənliklə əlaqədar, ortamüddətli perspektivdə reytinqlərə artma istiqamətində təzyiq ağlabatan deyil. AGBank Azərbaycanda aktivlərin böyüklüyünə görə onuncu ən iri bankdır və onun fəaliyyəti kiçik və orta biznesin kreditləşdirilməsində cəmlənib. 2008 - ci ilin üçüncü rübünün sonuna AGBank bank sistemində aktivlərin payına görə  bazarın 2 faizini tutub və pərakəndə depozitlərin həcmi üzrə beş faizlik paya malik olub.

Verilmiş reytinqlərin siyahısı:
- Xarici valyutada uzunmüddətli EDR "B-" (B mənfi), proqnoz "Sabit"
- Xarici valyutada qısamüddətli EDR "B"
- Dəstək reytinqi "5"
- Fərdi reytinq "D/E"
- Uzunmüddətli EDR -in dəstəklənməsi səviyyəsi "dəstək yoxdur" verilib.

Noyabrın 26 - na olan cari mübadilə məzənnəsi -- 0,8074 AZN/USD

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti