Azərbaycan, Bakı, 27 noyabr/ Trend , müxbir İ.Xəlilova/ "ABŞ iqtisadiyyatıan etibar kifayət qədər yüksək qaldığı üçün, bu gün bütün dünyada dollara etibar yüksəlib", - "VTB Kapital"ın Direktorlar Şurasının üzvü Sergey Dubinin "Ekspert Online" elektron nəşrinə müsahibəsində bildirib.
"Lakin ABŞ - da böyük həcmdə pul təklifi (dolların emissiyası) potensial olaraq, digər valyutalar - avro, yen, funtla müqayisədə dolların məzənnəsinin azalmasına və 2009 - cu ilin ikinci yarısında ABŞ - da inflyasiyaya gətirməlidir, - Dubinin bildirib. Bu mənim rəyimdir. Əksər iqtisadçılar, əksinə, hesab edirlər ki, Amerika iqtisadiyyatını inflyasiya deyil, deflyasiya gözləyir, yəni qiymətlərin sıfır artımı ilə iqtisadi artımın durğunluğu".
Rusiya rublunun məzənnəsinin dəyişmə dinamikası ilə bağlı Dubinin bildirib ki, rublun Rusiyaya pulların daxil olması və ölkədən axmasından asılı olan üzən məzənnəsi lazımdır.
"Məzənnənin qəsdən azaldılması ilə ixracı uzun müddət stimullaşdırmaq olmaz. Həmçinin, sərmayədarlar rublun dollara nisbətdə məzənnəsinin yüksək səviyyəsinə inanmırlarsa, əlavə kapitallar cəlb etmək mümkün olmayacaq, - o vurğulayıb. - Lakin bazarda sırçayışları yumşaltmaq, çox kəskin tərəddüdlərə (overshooting) yol verməmək üçün Mərkəzi Bankın qızıl - valyuta ehtiyatları kifayət qədərdir".
Bununla əlaqədar, "VTB Kapital" Direktorlar Şurasının üzvü hesab edir ki, Mərkəzi Bank 2009 - cu ildə elan edilmiş dəhliz sərhədlərində, bivalyutalı səbətə görə, orta hesabla, 32 - 34 rubl səviyyəsində saxlaya biləcək. Bu gün onun dəyəri təxminən 31 rubldur.
Müəlliflə əlaqə saxlamaq üçün elektron ünvan: [email protected]
