Azərbaycan, Bakı, 01 dekabr/ Trend , müxbir Ü.İsmayılova/ "Bakının daşınmaz əmlak bazarındakı cari vəziyyəti qiymətlərin azalması adlandırmaq olmaz - bu, qiymət balansıdır", - Caspian Property Services qiymətləndirmə şirkətinin marketinq direktoru Elnur Azadov hesab edir.
"Bu gün bazarda qiymətlər təxminən ötənilki göstəricilərə uyğundur və son illərdə qiymətlərin çox böyük templərlə artdığını nəzərə alsaq, bu normaldır", - Azadov bazar ertəsi bildirib.
Onun sözlərinə görə, daşınmaz əmlakın qiymətinə tikinti materiallarının, əsasən, armatur və betonun ucuzlaşması təsir göstərib. Belə ki, bir kubmetr beton üçün orta münasib qiymət 100-120 manat, bir ton armatur üçün 1,2 - 1,4 min manat təşkil edir, - Azadov əlavə edib.
"Bakıda bəzi tikinti şirkətləri bazardakı durğunluqla əlaqədar, qiymətləri azaltmağa başlayıblar və düşünürəm ki, 2009-cu ilin ortalarından bazarın fəallığı tədricən normallaşmağa başlayacaq", - marketinq direktoru vurğulayıb.
Caspian Property Services-in məlumatlarına görə, oktyabr və sentyabrda olduğu kimi, Bakının mərkəzinə bir kvadratmetr ilkin mənzilin qiyməti 2 min manatdan 5 min manatadək, şəhərin orta hissəsində 1 min manatdan 2 min manatadək, paytaxtın üçüncü və dördüncü hissəsində - 1 min manatəkdir.
Bakının əksər riyeltor şirkətləri fəaliyyətlərini dayandırıblar ki, bu da alıcı tələbatının olmaması ilə əlaqədardır, bu gün ölkənin daşınmaz əmlak bazarında hökmranlıq edən durğunluq isə, indiyədək olmayıb, - MBA Group Konsaltinq Şirkətinin eksperti Faiq İbrahimov əvvəllər bildirib.
Ekspertin rəyinə görə, belə vəziyyət onunla bağlıdır ki, alıcılar qiymətlərin əlavə düşməsini gözləyir, satıcılar isə qiymətləri 5 faizdən çox azaltmırlar. Əvvəllər birotaqlı mənzili 35 - 40 günə satmaq mümkün olurdusa, bu gün eksposiziya müddəti 5 dəfə artıb.
Riyeltorlar hesab edirlər ki, yaxın bir neçə həftədə daşınmaz əmlak bazarı daha 3-5 faiz ucuzlaşacaq. Real alıcı olarsa, satıcılar artıq qiymətləri azatlmağa hazır olsalar da, tikinti şirkətləri yeni tikililərdə qiymətləri aşağı endirmək istəmirlər. Buna baxmayaraq, təkrar bazarda yeni tikilən binalardakı mənzilləri satanlar yenə də güzəştə gedirlər.
Müəlliflə əlaqə saxlamaq üçün elektron ünvan: [email protected]
