Azərbaycan, Bakı, 04 dekabr/ Trend , müxbir İ.Xəlilova/ "2008 - ci ilin sonunadək Bakı Fond Birjası (BFB) qiymətli kağızlarla əməliyyatlar üzrə tarif cədvəlinə yenidən baxmağı planlaşdırır və onlar gələn ildən qüvvəyə minəcək", - BFB-nin İdarə Heyətinin sədri Xəyal Abdinov cümə axşamı bildirib.
"Biz bütün tarifləri öyrənmişik və onlar qismən dəyişəcəklər və dəyişiklik azalma istiqamətində olacaq. Bəzi xidmətlər üzrə komisyon haqlarını artırmaq təklif olunur, - Abdinov bildirib.-- Ümumilikdə tariflərin ən azı 20 faiz azalacağı gözlənilir".
Onun sözlərinə görə, komisyon haqlarının, əsasən, depozitlər xidmətlər - qiymətli kağızların saxlanılması, çıxarışı üzrə artacağı gözlənilir. Bu gün depo-hesabın açılması pulsuz həyata keçirilsə də, onun aparılmasına görə komisyon haqqı hər il səkkiz manat təşkil edir.
"Bu çox cüzi məbləğdir. Lakin bu gün müştəri bazası genişlənir və depozitar xidmətlərə tələbat artır. Bununla əlaqədar olaraq, komisyon haqqı məbləğinin artırılmasını məqsədəuyğun hesab edirik", - BFB-nin rəhbəri bəyan edib.
Ticarət əməliyyatları üzrə tariflərə azalma istiqamətində yenidən baxmaq planlaşdırır. Bu gün ticarət əməliyyatları üzrə tariflər ayda sazişin ümumi həcminin maksimum 0,05 faizinə bərabərdir. Abdinovun rəyinə görə, bu ölkənin fond bazarında əməliyyatların artımını stimullaşdırır ki, bu da komisyon haqlarının azaldılmasından yaranacaq itkilərin əvəzini ödəyəcək.
2008 - ci ilin yekunları üzrə BFB- nin mənfəətinin ötən ilki səviyyədə - 1 mln. manatadək olacağı gözlənilir. Birjanın gəlirlərinə fond bazarındakı hazırki sakitlik təsir göstərib. Ötən illə müqayisədə, birja əməliyyatlarının sayı artsa da, mənfəət proqnozu əvvəlki səviyyədə proqnozlaşdırılıb. Bu, məxaric bəndlərinin genişlənməsi ilə bağlıdır.
Azərbaycanın bank sistemində artım templərinin azalması ölkənin fond bazarının fəaliyyətinə təsir göstərir. Yanvar-noyabrda Bakı Fond Birjasında bütün alətlər üzrə birja əqdlərinin ümumi dövriyyəsi 8 379,75 mln. manat təşkil edib ki, bu da ötən ilin analoji dövrünün müvafiq göstəricisindən 177,48 faiz çoxdur. Noyabrda bütün alətlər üzrə əqdlərin aylıq dövriyyəsi 1 mlrd. manat səviyyəsində psixoloji həddi artıq ikinci aydır ki, keçib və məbləğdə 1 023 049 663,76 manat təşkil edib.
Dekabrın 4 - nə olan cari mübadilə məzənnəsi --0,8092 AZN/USD.
Müəlliflə əlaqə saxlamaq üçün elektron ünvan: [email protected]
