Azərbaycan, Bakı, 04 dekabr/ Trend , müxbir Ü.İsmayılova/ Dünya maliyyə böhranı Bakının daşınmaz əmlak bazarına heç bir şəkildə təsir göstərməyib, - paytaxtın riyeltorları "Mülk" QHT-nin qlobal maliyyə böhranı şəraitində bazardakı vəziyyətin müzakirəsinə həsr olunmuş treninq -seminarında bəyan ediblər.
Onların rəyinə görə, bazarda fəallığın azalmasında psixoloji amil böyük rol oynayıb.
MBA Group Konsaltinq Şirkətinin Baş direktoru Nüsrət İbrahimov hesab edir ki, noyabr ərzində Bakının daşınmaz əmlak bazarı 30 faiz azalıb.
Digər riyeltorların rəyinə görə, daşınmaz əmlak bazarında yalnız əmlakın alqı - satqısı seqmentində azalma müşahidə olunur. Qalan seqmentlərdə isə - kommersiya obyektləri bazarında və əsasən, mənzil və kommersiya obyektlərinin icarəsi sahəsində mövsümi dövrlə əlaqədar artım qeydə alınıb.
Riyeltorlar hesab edirlər ki, əmlakın alqı- satqısı bazarında yaranmış passivlik kiçik və qeyri -peşəkar riyeltorların fəaliyyətinə təsir göstərir, nəticədə mənzil alqı - satqısı üzrə fəaliyyət göstərən təxminən 800 şirkətdən 250-si bazardan gedəcək.
Treninq-seminarın iştirakçıları agent əməkdaşların saxlanılması ilə bağlı xərcləri xeyli azaltmağı təklif ediblər.
Müəlliflə əlaqə saxlamaq üçün elektron ünvan: [email protected]
