Azərbaycan, Bakı, 15 dekabr/ , müxbir Ü.İsmayılova/ Noyabrda Bakıda kommersiya obyektləri bazarında qiymətlər oktyabr ayına nisbətən 1,6 faiz, ilin əvvəlinə nisbətdə 26,4 faiz azalıb. Bu barədə bazar ertəsi "Əmlak bazarı iştirakçıları" İctimai Birliyindən məlumat veriblər.
Kommersiya obyektinin bir kvadratmetrinin noyabrda orta qiyməti 3501 dollar təşkil edib, oktyabr ayında bu göstərici 3559 dollar olub.
Yalnız şəhərin birinci zonasında cüzi qiymət artımı müşahidə olunub - Nərimanov rayonunda 1,2 faiz, Nəsimi rayonunda bir faiz, Səbayeldə isə 0,3 faiz. Qalan rayonlarda qiymətlər düşüb.
Noyabrda kommersiya obyektləri bazarına təkliflər də 4,8 faiz azalıb. Obyektlərin alqı -satqısı üzrə əməliyyatların sayı 10 faiz azalıb. Obyektlərin ekspozisiya müddəti 6,9 faiz artıb.
Məqalə müəllifi ilə əlaqə ünvanı - [email protected]