...

Azərbaycanda bank kreditləşdirməsinin cari vəziyyəti

Biznes və iqtisadiyyat xəbərləri Materials 22 Dekabr 2008 15:03 (UTC +04:00)

Azərbaycan, Bakı, 22 dekabr/ Trend , müxbir N.İsmayılova/ Azərbaycanın əksər bankları istehlak kreditlərinin verilməsini yenidən dayandırıblar. İstehlak kreditləşdirməsinin gələn ildən bərpa olunacağı gözlənilir. Borcların verilməsini davam etdirən bəzi banklar kredit siyasətini sərtləşdiriblər ki, bu da biznes - kreditləşdirmədə özünü göstərib.

Trend bazar ertəsi aşağıdakı banklar arasında sorğu aparıb: Rabita Bank, Nikoil, Royal Bank of Baku, Azerbaijan Senaye Bank, Bank of Baku, Parabank, NBC Bank, Mugan Bank, UniBank, Azerdemiryolbank və Kapital Bank.

Rabita Bank-dan bildiriblər ki, hazırda bank yalnız iki il müddətinə və əmlakın girov qoyulması ilə biznes-kreditlər verir. Kreditlər üzrə illik dərəcə 26-36 faiz təşkil edir.

Nikoil Bank üç min manatdan çox məbləğdə istehlak kreditləri versə də, əmlakın girov qoyulmasını tələb edir. Bankdan bildiriblər ki, daha kiçik istehlak kreditlərinin verilməsinin nə vaxt bərpa ediləcəyi bilinmir. Bank biznes-kreditlərin verilməsini dayandırmasa da, onların müddətini 2 ildən 1 ilədək azaldıb. Nikoil Bank biznes-kreditləri manatla illik 27 faiz, avro ilə illik 22 faiz dərəcə üzrə verir.

Azerbaijan Senaye Bank-da istehlak kreditlərinin verilməsini dayandırıb. Bank biznes-kreditləri əvvəlki rejimdə -- 1 ildən 5 ilədək müddətə verir.

Unibank,  avqustdan istehlak kreditlərinin verilməsini 80 faiz azaldıb.

NBC Bank-dan bildiriblər ki, bank avtokreditləşdirməni davam etdirir. Bank biznes-kreditləri fərdi yanaşma ilə verir və onun maksimal məbləği 10 min manatdır.

Parabank-dan fərdi dərəcə növləri ilə bütün növ kreditləri verdiklərini təsdiq ediblər.

Bank of Baku-dan bildiriblər ki, heç bir dəyişiklik olmadan, bütün növ kreditlərin əvvəlki rejimdə verilməsini  davam etdirirlər.

Azerdemiryolbank-dan bildiriblər ki, bank  istehlak kreditlərinin verilməsini dayandırmasa da, bundan sonra yalnız bankın tərəfdaşları olan şirkətlərlə əməkdaşlıq edən fiziki şəxslər kredit ala biləcəklər.

Royal Bank of Baku və Mugan bank-dan deyiblər ki, kredit verilməsini dayandırıblar və nə zaman bərpa olunacağını dəqiqləşdirməyiblər.

Kapital Bank-ın İdarə Heyətinin sədri Rauf Rzayevin sözlərinə görə, bank  yeni artırılmış dərəcələr üzrə kreditlərinin verilməsini bərpa edib. Dərəcələr bütün növ kreditlər üzrə illik 1-1,5 faiz artıb. Bu tədbirlər kompleksi bank üçün daha nikbindir; Kapital Bank risk və zərərlərini daha da azaltmaq niyyətindədir, - Rzayev deyib.

İstehlak kreditlərinin verilməsini dayandıran bütün banklardan bildiriblər ki, kreditləşdirmənin bərpasının yalnız gələn ildə baş verəcəyini gözləmək olar.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti