Azərbaycan, Bakı, 23 dekabr/ Trend , müxbir İ.Xəlilova/ Azərbaycanın Nazirlər Kabineti maliyyə və iqtisadi inkişaf nazirliklərinə 2009 - cu il yanvarın ortalarına dövlətin kapital yatırımları çərçivəsində, konkret obyekt və istiqamətlərin maliyyələşdirmə həcmi üzrə təkliflər hazırlamağı tapşırıb, - ölkə hökumətindən çərşənbə axşamı bildiriblər. Gələn il bu məqsədlərə 4,7 mlrd. manat yönəltmək planlaşdırılır.
Ay ərzində əhalinin ərzaq malları ilə davamlı təminatı Dövlət Proqramı (2008 - 2015 - ci illər) çərçivəsində, gələn ilə nəzərdə nəzərdə tutulmuş vəsaitlərin istifadə istiqamətləri üzrə təkliflər təqdim edilməlidir. Dövlət büdcəsində bu məqsədlər üçün 60 mln. manat nəzərdə tutulub.
İri vergi ödəyiciləri - SOCAR şirkəti, Rabitə və İnformasiya Texnologiyaları Nazirliyi, "Azərsu" SC, "Azərenerji" ATSC, "Azəriqaz" QSC, Azərbaycan Dövlət Dəmir Yolu, "Azərbaycan Hava Yolları" QSCS, "Bakıelektrikşəbəkə" SC, "Sumqayıtelektrikşəbəkə" SC, Bakı metropoliteni, "Azərkimya" DŞ, Xəzər Dəniz Gəmiçiliyi yanvarın ortalarınadək gələn il üçün mədaxil və məxaric smetalarını hazırlamalıdırlar. Nazirlər Kabinetinə təqdim edilənədək, smetalar maliyyə, vergilər və iqtisadi inkişaf nazirlikləri ilə razılaşdırılmalıdır.
Dövlət Əmlakının İdarə Edilməsi üzrə Dövlət Komitəsinə aşağıdakı istiqamətlər üzrə büdcə vəsaitlərinin bölünməsi ilə bağlı təkliflər təqdim etmək həvalə olunub - müstəqil bank məsələhətçilərinin cəlb edilməsi, özəlləşdirmə üzrə informasiya təminatının təşkili, özəlləşdirmədənqabaq sağlamlaşdırma və sahibkarlığa dövlət dəstəyi çərçivəsində maliyyələşdirmə.
Səfirliklərin, konsulluqların və Azərbaycanın xaricdəki digər diplomatik nümayəndəliklərinin saxlanılması xərcləri, beynəlxalq təşkilatlara üzvlük haqları, bələdiyyələrə dotasiyalar üzrə vəsaitlərin bölünməsinə dair təkliflər də hazırlanmalıdır.
Azərbaycan prezidenti İlham Əliyevin dekabrın 11 - də təsdiqlədiyi gələn ilin büdcəsinə əsasən, gəlirlər 12,177 mlrd. manat (ÜDM - in 27,9 faizi), xərclər - 12,355 mlrd. manat (ÜDM - in 28,3 faizi), kəsir 178 mln. manat və ya ÜDM - in 0,4 faizi səviyyəsində proqnozlaşdırılır.
Dekabrın 23 - nə olan cari mübadilə məzənnəsi 0,802 AZN/USD.
Müəlliflə əlaqə saxlamaq üçün elektron ünvan: [email protected]
