Azərbaycan, Bakı, 24 dekabr/ Trend , müxbir İ.Xəlilova/ Azərbaycan Əmanətlərin Sığortalanması Fondu (ADİF) Almaniyanın Global Banking Development Solution təşkilatının dəstəyi ilə kompensasiyaların ödənilməsi üzrə prosedur qaydaları və agent - bankın seçilməsi qaydalarını hazırlayır, - ADİF - in icraçı direktoru Azad Cavadov çərşənbə günü deyib.
"Agent - bankın müflisləşmiş bankın əmanətləri üzrə kompensasiyaların verilməsi üçün cəlb edilməsi nəzərdə tutulur. Yəni o, bir növ "kassa" rolunu oynayacaq", - Cavadov bildirib.
Onun sözlərinə görə, Fonda üzv hər hansı bir bankın mülfisləşməsi barədə informasiya alındıqdan sonra, bu məlumatlar agent banka göndəriləcək. Ona müflisləşmiş bankın əmanətçilər qarşısında olan borcunun ödənilməsi üçün vəsaitlər də təqdim ediləcək.
2008 - ci ilin əvvəlindən 100 sığorta edilən məbləğ 6 min manatadək artırılıb, 2010 - cu il yanvarın 1- dən bu rəqəmi səkkiz min manatadək çatdırmaq gözlənilir. "Əmanətlərin sığortalanması haqqında" Qanuna görə, 2008 - ci il yanvarın 1 - dək Azərbaycanın Əmanətlərin Sığortalanması Fondundan 4 min manatadək əmanətlər tam qorunurdu.
Hazırda Azərbaycan Milli Bankı (artıq zəmanət verilmiş əmanətlərin son həddinin artırılması üzrə ölkənin bank cəmiyyəti ilə bu məsələylə bağlı məsləhətləşmələrə başlayıb ki, bu da dünya maliyyə böhranı şəraitində zəruridir.
Bankların Fondun reyestrinə
daxil edilərkən ödədikləri birdəfəlik
üzvlük haqqı nəzərə alınmaqla,
oktyabrın 1-nə olan vəziyyətə görə,
ADİF - ə daxilolmaların ümumi məbləği 9,421
mln. manat təşkil edib.
Fiziki şəxslərin fonda üzv banklardakı
əmanətlərinin məcmu həcmi 1,731 mlrd. manat, o
cümlədən sığortalanmamış əmanətlər
- 268 mln. manat təşkil edib. Sığortalanmış
əmanətçilərin sayı 1 275 540
nəfərə çatıb.
Fond 2007 - ci il avqustun 13 - də fəaliyyətə başlayıb. ADİF - ə, ölkədə fəaliyyət göstərən 38 bank daxildir.
Dekabrın 24 - nə olan cari mübadilə məzənnəsi -- 0,8022 AZN/USD.
Müəlliflə əlaqə saxlamaq üçün elektron ünvan: [email protected]