Azərbaycan, Bakı, 24 dekabr/ Trend , müxbir N.İsmayılova/ Azərbaycanın Vergilər Nazirliyinin məlumatına əsasən, 2008 - ci lin yanvar-noyabrı ərzində dövlət büdcəsinə 11 daxilolmadan yalnız iki vergi növü - fiziki şəxslərin gəlir vergisi və aksiz vergisi üzrə proqnoz göstəriciləri tam yerinə yetirilməyib. Vergilər Nazirliyinin xətti ilə doqquz vergidən əlavə, dövlət rüsumu və digər daxilolmalar da ( onların arasında neftin ixrac və daxili qiyməti arasındakı fərqdən və dövlət mülkiyyətində olan torpaqların icarə ödənişlərindən daxilolmalar var) yığılır.
Vergi daxilolmalarında ən yüksək xüsusi çəki mənfəət vergisi üzrə qeydə alınıb ki, bu da 2006 - cı ildə Bakı -Tbilisi - Ceyhan əsas ixrac boru kəmərinin istismara verilməsi və bu vergi üzrə podrat - subpodrat şirkətlərin ödənişləri ilə bağlıdır. Hesabat dövrü ərzində mənfəət vergisi üzrə ödənişlər 2,73 mlrd. manat olub və proqnoz 115,2 faiz yerinə yetirilib.
Xüsusi çəkisinə görə ikinci yerdə ƏDV üzrə daxilolmalar dayanır və 1,05 mlrd. manat təşkil edib. Proqnoz 102,1 faiz yerinə yetirilib. Fiziki şəxslərin gəlir vergisindən dövlət büdcəsinə 570,3 mln. manat ödənilib ki, bu da proqnozlaşdırılan həcmdən 21,1 faiz azdır.
Hesabat dövrü ərzində aksiz vergisi üzrə daxilolmalar 289,6 mln. manat təşkil edib ki, bu da proqnozdan 12,7 faiz azdır. Yeraltı sərvətlər vergisi üzrə proqnoz 100,1 faiz yerinə yetirilib, büdcəyə 124,7 mln. manat daxil olub. Əmlak vergisi üzrə büdcəyə 101,3 mln. manat ödənilib ki, bu da gözlənilən həcmdən 1,1 faiz çoxdur. Sadələşdirilmiş vergi sistemi üzrə daxilolmalar 102,7 faiz yerinə yetirilib və 59,4 mln. manat təşkil edib. Torpaq vergisi üzrə daxilolmalar 8,3 faiz artıb və 29,7 mln. manata çatıb. Yol vergsi üzrə büdcəyə 24,1 mln. manat ödənilib ki, bu da proqnozdan 0,8 faiz çoxdur.
Dövlət rüsumları xətti üzrə proqnoz göstəriciləri 114,9 faiz - 55,2 mln. manat yerinə yetirilib. İcarə ödənişindən daxilolmalar 41,6 faiz icra edilməklə, digər daxilolmalar xətti üzrə 213,1 mln manat alınıb və proqnoz 106,6 faiz yerinə yetirilib.
Ümumilikdə 11 ay ərzində Vergilər Nazirliyinin xətti üzrə proqnoz 104,2 faiz yerinə yetirilib və büdcəyə 5,03 mlrd. manat proqnoza qarşı 5,24 mlrd. manat daxil olub.
2008 - ci ildə Nazirlik üçün proqnoz 5,38 mlrd. manat səviyyəsində müəyyən edilib.
Dekabrın 24 - nə olan cari mübadilə məzənnəsi -- 0,8022 AZN/USD.
Müəlliflə əlaqə saxlamaq üçün elektron ünvan: [email protected]