Azərbaycan, Şəki, 24 dekabr/ Trend , müxbir X.Əkbərova/ Bu gündən Şəkidə (Azərbaycanın şimal - qərbində, Bakıdan 352 km məsafədə yerləşir) ipək və tikinti materiallarının istehsalı üzrə iki müəssisə fəaliyyətə başlayıb.
"Şəki-İpək" ASC-də Çindən gətirilmiş Avropa standartlarına uyğun ipək istehsal edən yeni avtomatlaşdırılmış dəzgahlar işə salınıb. Barama ipi istehsalı üçün müəssisədə quraşdırılan və insan əməyindən cüzi istifadə edilən FV-2000-EX markalı 80 ədəd dəzgah sayəsində, istehsal keyfiyyəti və məhsuldarlıq daha yüksək olacaq.
Yerli sənaye kombinatında müasir divar və dam örtükləri istehsal ediləcək Azpanel müəssisəsi fəaliyyətə başlayıb. Müasir və tam avtomatlaşdırılmış qurğularla təchiz edilmiş müəssisədə ildə iki milyon kvadratmetr divar və dam örtükləri istehsal ediləcək.
Müəlliflə əlaqə saxlamaq üçün elektron ünvan: [email protected]