Azərbaycan, Bakı, 19 yanvar/ Trend , müxbir İ.Xəlilova/
Beynəlxalq capital bazarının staqnasiyası fonunda, Azərbaycanda bank sektorunun inkişafı, hətta 2 milyard dollar xaricdən alınmış borcu nəzərə almadan, çətin ola bilər. Bu barədə Euromoney jurnalına müsahibəsində Azərbaycan Dövlət Neft Fondunun (ARDNF) icraçı direktoru Şahmar Mövsümov bildirib. [Bu gün borcun ümumi həcmindən 1,1 mlrd. dolları artıq banklar tərəfindən qaytarılıb, qalan kreditlər isə, bu il bağlanacaq].
"6,137 mlrd. dollar ehtiyat fondu olan Azərbaycan Milli Bankı həmin banklara öz borclarını yeniləməkdə yardım göstərə bilər. Lakin Azərbaycan iqtisadiyyatı daha böyük problem - daşınmaz əmlak problemi ilə qarşılaşa bilər", -deyə Mövsümov bildirib.
Ötən illərdə beynəlxalq maliyyə dəstəyi (ümumi passivlərin təqribən 25% - i) Azərbaycan banklarında aktivlərin 100% - dək artımına kömək edib. Eyni zamanda, əmlakın qiyməti kəskin qalxıb, çünki bank hesablarına hələ də etibar etməyən insanlar pullarını daşınmaz əmlaka yatırıblar.
Unibank-ın (ölkədə ilk üçlüyün kreditorlardan biri) sədri Eldar Qəribovun sözlərinə görə, bank sistemində borc portfelinin 70%-i daşınmaz əmlak hesabına təmin edilir.
"Bu gün hər kəs daşınmaz əmlakın qiymətinin enməsini gözləyir. Hətta qiymətlərin 25 və ya 30% düşməsində belə, bank sistemi də, biz də özümüzü yaxşı hiss edəcəyik,"- deyə Qəribov vurğulayıb.
Buna baxmayaraq, belə məsələlər sürətlə inkişaf edən ölkənin dövlət vəsaitlərinin idarəedilməsi fondlarının şərti öhdəliklərini aydın əks etdirir.
2007-ci ilin payızında Azərbaycanın daşınmaz əmlak bazarında fəallıq kəskin düşməyə başlasa da, süni qiymət artımı hələ də müşahidə olunur. Bununla yanaşı, dünya maliyyə böhranı fəallaşır və onun Azərbaycan bazarına 2008-ci ilin sentyabrından müşahidə olunan təsiri bu günədək davam edir.
Əvvəllki illərlə müqayisədə, 2008-ci il ərzində mənzil alqı-satqısı üzrə əməliyyatların sayı 40,3 faiz azalıb, orta qiymətlər dörd faiz, qiymət göstəricisi isə, bir faiz düşüb.
2008 - ci il ərzində dünya maliyyə böhranının təsiri altında Azərbaycanın daşınmaz əmlak bazarında obyektlərin ekspozisiya müddəti 26,7 faiz artıb, bazarda əməliyyat üzrə 14,2-faizlik azalma da müşahidə olunub. Ötən il ərzində daşınmaz əmlak bazarında tələbat elastikliyi 0,3 faiz (qiymətlərin bir faiz dəyişməsi tələbatın 0,3 faizlik enməsinə gətirib çıxarır), gəlir elastikliyi isə 0,6 faiz (gəlirin bir faiz dəyişməsi tələbatın 0,6 faizlik artımına təsir göstərir) təşkil edib.
Məqalə müəllifi ilə əlaqə ünvanı - [email protected]
