Azərbaycana avtomobil idxalı artıb
Azərbaycan, Bakı, 19 yanvar/ Trend /
Yanvar-noyabr aylarında Azərbaycana 81230 minik avtomobili idxal edilib və bu, 2007-ci ilin eyni dövründəki göstəricidən 28,7 faiz çoxdur.
Dövlət Statistika Komitəsinin məlumatına görə, ötən ilin 11 ayı ərzində ölkəyə gətirilmiş minik avtomobillərinin ümumi dəyəri təxminən 597 milyon dollar təşkil edib ki, bu da ötənilkindən 48,2 faiz çoxdur.
2008 - ci ilin yanvar-noyabr aylarında Azərbaycana 10336 yük avtomobili idxal olunub - 2007-ci ilin eyni dövründəkindən 22,6 faiz çox. Ötən ilin 11 ayı ərzində ölkəyə gətirilmiş yük avtomobillərinin ümumi dəyəri təxminən 212 milyon dollar təşkil edib ki, bu da ötənilkindən 85,2 faiz çoxdur.
Yanvar-noyabr aylarında respublikaya ümumi dəyəri 59,6 milyon dollar olan 1443 avtobus idxal olunub. Bu göstərici 2007-ci ilin yanvar-noyabr aylarındakı rəqəmdən 158,1 faiz (ümumilikdə 214,3 faiz) çoxdur.
