Azərbaycan, Bakı, 27 yanvar / Trend , müxbir N.İsmayılova/
Azərbaycan dövlət əmlakının idarə edilməsi üzrə Dövlət komissiyasının 2008 - ci ildə keçirdiyi monitorinqlərin nəticələrinə əsasən, 290 müəssisə və obyekt tərəfindən torpaq ərazilərinin qeyri -qanuni istifadəsi halları aşkar edilib", - ötən ilin yekunlarına həsr olunmuş geniş kollegiya iclasında Komitənin sədri Kərəm Həsənov deyib.
"Monitorinqlər dövlət əmlakının səmərəli idarə olunmasının inkişafını təmin etmək, onlardan qeyri-qanuni istifadə və əmlakdan rasional istifadə hallarının araşdırılması məqsədilə keçirilir", - Həsənov qeyd edib.
2008 - ci ildə 170 müəssisə və səhmdar cəmiyyətdə dövlət büdcəsinə dividendlərin ödəmə və köçürülməsi, dövlət əmlakının varlığı, onun qorunması, rasional istifadəsi istiqamətində tədqiqatlar aparılıb.
Hesabat dövründə təxminən 470 inventarlaşdırma aktı və Nizamnamə kapitalına dövlət payı olan səhmdar cəmiyyətlərdən 402 balans hesabatı qəbul olunub. Bundan başqa, Komitənin sərəncamında olan dövlət müəssisələrindən 202 balans hesabatı və inventarlaşdırma aktı qəbul olunub. Ümumilikdə, dövlət müəssisə və təşkilatlarından təxminən 5600 statistik hesabat daxil olub.
Alqı - satqı müqavilələrinin yerinə yetirliməsi və özəlləşdirilmədən sonra fəaliyyət profilinin saxlanılması məqsədilə 100 - dən çox sosial yönlü obyektdə monitorinq aparılıb.
Məqalə müəllifi ilə əlaqə ünvanı: [email protected]
