Azərbaycan, Lənkəran, 28 yanvar/ Trend , müxbir P.Əliyeva/
2008 - ci ildə Lənkəran rayonunda sahibkarlara və vətəndaşlara 2007- ci ildəki 7,8 mln. manata qarşı 9,6 mln. manat kredit təqdim edilib, - Lənkəran şəhər İcra Hakimiyyəti rəhbərinin iqtisadi məsələlər üzrə müavini İlkin Rəhimov çərşənbə günü bildirib.
Onun sözlərinə görə, kreditlərin əsas hissəsi özəl banklar tərəfindən verilib. Özəl bankların verdikləri kreditlərin məbləği 2007 - ci ildəki 5,2 mln. manata qarşı 9,5 mln. manat təşkil edib.
Qısamüddətli kreditlər 6,890 mln. manat, uzunmüddətli kreditlər 764,6 min manat təşkil edib, - Rəhimov deyib. Bu arada, 166 nəfər krediti manatla, 66 nəfər dollarla, iki nəfər avro ilə alıb.
