Azərbaycan, Bakı, 30 yanvar/ Trend , müxbirlər N.İsmayılova, İ.Xəlilova/
Azərbaycanın iqtisadi inkişaf naziri və eyni zamanda Azərbaycanın İxrac və İnvestisiyaların Təşviqi Fondunun (AZPROMO) Himayəçilər Şurasının rəhbəri Şahin Mustafayevin əmri ilə, AZPROMO-ya yeni prezident təyin edilib, - Fonddan cümə günü bildiriblər.
AZPROMO-nun rəhbəri vəzifəsinə əvvəllər İqtisadi İnkişaf Nazirliyinin strukturunda çalışmış və nazirliyin Anti-Inhisar Xidmətinə rəhbərlik etmiş Rəhim Hüseynov təyin edilib. İdarədən getdikdən sonra o, Azərbaycanın Marketinq Birliyi İdarə Heyətinin sədri vəzifəsində qalaraq, marketinq fəaliyyətini həyata keçirib.
AZPROMO-nun əvvəli rəhbəri Emil Məcidov öz xahişi ilə yanvarın 10-da işdən gedib. Məcidov 2003-cü ildə yaradılmış AZPROMO-ya 2004 - cü ildən rəhbərlik edib.
Onun vəzifədən getməsindən sonra Fondun prezidenti səlahiyyətlərini İnvestisiyaların Təşviqi Departamentinin direktoru Anar Quliyev icra edirdi.
Müəlliflə əlaqə saxlamaq üçün elektron ünvan: [email protected]
