Azərbaycan, Bakı, 31 yanvar/ Trend , müxbir Ü.İsmayılova/
Ötən ilin dekabrında Bakının təkrar mənzil bazarında yaşayış sahəsinin bir kvadratmetrinin orta qiyməti yeddi faiz azalaraq 1436 dollara çatıb. Bu, ötən il ərzində qeydə alınan ən aşağı göstəricidir və 2007-ci ilin sentyabr ayının qiymətlərinə bərabərdir. Bu barədə şənbə günü "Əmlak Bazarı Iştirakçıları" İctimai Birliyindən məlumat verilib.
Dekabrda təkrar mənzil bazarında təkliflər 12,9 faiz azalıb və bazara təqribən 5,1 min mənzil təklif olunub. Alqı - satqı əməliyyatlarının sayı 2,4 faiz azalıb. Mənzilin ekspozisiya müddəti daha doqquz gün artıb - 101 gün.
Dekabrda təkrar bazar portfelinin böyük hissəsi (81,3 faiz) Bakının Yasamal, Nərimanov, Nəsimi və Xətai rayonlarının payına düşüb.
Məqalə müəllifi ilə əlaqə ünvanı - [email protected]