Azərbaycan, Bakı, 05 fevral / Trend , müxbir N.İsmayılova/
Dünya Bankı (DB) Azərbaycanda layihələrin maliyyələşdirilməsinə 2,039 mlrd. dollar ayırıb ki, bunun da 1,8 mlrd. dolları hələ layihələr üzrə paylaşdırılmayıb. Bu barədə bankın məlumatında bildirilir.
Bu gün bankın ölkədə aktiv portfeli 26 layihə üzrə 2,039 mlrd. dollar təşkil edir. Bu layihələr Beynəlxalq Yenidənqurma və İnkişaf Bankı (BYİB) və Beynəlxalq İnkişaf Assosiasiyasının (BİA) xətti ilə maliyyələşdirilib.
Azərbaycan 1992-ci ildə Dünya Bankının üzvü olub və həmin vaxtdan Azərbaycan hökuməti ilə əməkdaşlıq proqramlarını reallaşdırmağa başlayıb. Bu dövr ərzində bank 2,5 mlrd. dollar həcmində 45 layihəni maliyyyələşdirib.
Məqalə müəllifi ilə əlaqə ünvanı - [email protected]
