Azərbaycan, Bakı, 10 fevral / Trend , müxbir N.İsmayılova/ "2008-ci ildə Azericard Azərbaycan prosesinq mərkəzindən xidmət göstərilən plastik kartların sayı 37,5 faiz artaraq, 3,3 milyona çatıb", - çərşənbə axşamı mərkəzdən deyilib.
2008-ci ildə 900 min kart buraxılıb. Onlarda 450 min pensiya, 273 min VISA, 217 min MasterCard-dır. 2007-ci ildə bir milyon çox kart emissiya edilib.
"İndiyə kimi 2,1 milyon pensiya kartı buraxılıb. Onların sonrakı istehsalını proqnozlaşdırmaq mümkün deyil. Çünki bu sırf subyektiv səbəblərdən asılıdır", - Azericard-dan bildirilib.
"Pensiya kartlarının orta hesabla illik buraxılışı 100 mindir", - mərkəzdən vurğulanıb.
Bütün kartlar üzrə ümumi dövriyyə 4 milyard manata çatıb.
Azericard iştirakçısı olan 30 bankdan 27-si bu və ya digər, ya da bir neçə ödəmə sistemində birlikdə sertifikatlaşdırılıb.
2008-ci ilin yanvarında prosesinq mərkəzində müştərilərə xidmət üçün 24 saatlıq Call Center işə salınıb. 2007-ci ilin sonlarında MasterCard Chip-in sertifikatlaşdırılması sona çatıb. 2008-ci ilin mayında Azericard Azərbaycan Beynəlxalq Bankı ilə birlikdə American Express kartlarının emissiyasına start verib. Bununla yanaşı mərkəzdə loyalty (bonuslar) proqramı da tətbiq olunub.
"Bu proqrama qoşulmuş bankların müştəriləri plastik kartlarla ödəmələr zamanı bonuslar almaq və müxtəlif güzəşt və imtiyaz proqramlarında iştirak etmək imkanlarına malikdirlər", - Azericard-dan bildirilib.
Fevralın 10-na rəsmi məzənnə 0,8077 AZN/USD təşkil edir.
Məqalə müəllifi ilə əlaqə ünvanı: [email protected]
